Author: Staff correspondent (Shaiju TP)

കൽപകഞ്ചേരി: വളവന്നൂരിലെ മുസ്ലിം ലീഗ് കാരണവരും പൗര പ്രമുഖനുമായ പി.സി അബ്ദുറഹ്മാൻ സാഹിബിൻ്റെ വിയോഗം വളവന്നൂരിനും മുസ്‌ലിം ലീഗ് പാർട്ടിക്കും തീരാ നഷ്ടം. 1962 ൽ 22-ാം വയസ്സിൽ സയ്യിദ് അബ്ദുറഹ്‌മാൻ ബാഫഖി തങ്ങൾ നേരിട്ട് മുസ്ലിംലീഗിൻ്റെ ഭാരവാഹിത്വത്തിലേക്ക് നോമിനേറ്റ് ചെയ്യപ്പെട്ടിരുന്നു. മുസ്‌ലിം ലീഗ് നേതാക്കളുമായി ഹൃദയ ബന്ധമുള്ള വ്യക്തിത്വമായിരുന്നു പി.സി അബ്ദുറഹ്മാൻ സാഹിബ്. മലപ്പുറം ജില്ലയിലെ തന്നെ മുസ്ലിംലീഗ് കാരണവന്മാരിൽ ഒരാളായ പി.സി വളവന്നൂരിൽ മുസ്ലിം ലീഗ് സ്ഥാപകരിൽ പ്രധാനിയാണ്. വളവന്നൂർ പഞ്ചായത്ത് മുസ്‌ലിംലീഗ് കമ്മിറ്റിയുടെ...

പൊന്നാനി: ഉപതെരഞ്ഞെടുപ്പുകളിൽ യുഡിഎഫ് ഉന്നത വിജയം കരസ്ഥമാക്കിയതിൽ മണ്ഡലം യുഡിഎഫ് കമ്മിറ്റിയുടെ നേതൃത്വത്തിൽ നീല പെട്ടി ചുമന്ന് പൊന്നാനിയിൽ ആഹ്ലാദപ്രകടനം നടത്തി. വർഗീയതയ്ക്കും വ്യാജ പ്രചരണങ്ങൾക്കും എതിരെ ജനങ്ങൾ നൽകിയ വിധിയാണ് വൻഭൂരിപക്ഷത്തിൽ ഐക്യ ജനാധിപത്യമുന്നണി സ്ഥാനാർത്ഥികളെ വിജയിപ്പിച്ചത്. ടി കെ അഷറഫ്, എൻ പി നബിൽ, കുഞ്ഞുമുഹമ്മദ് കടവനാട്, പുന്നക്കൽ സുരേഷ്, എ പവിത്രകുമാർ, എം അബ്ദുല്ലത്തീഫ്, സി ഗംഗാധരൻ, കുഞ്ഞുമോൻ ഹാജി, എം രാമനാഥൻ, കെ വി സുജീർ എന്നിവർ നേതൃത്വം നൽകി.