തിരൂർ: ഫിഫ ലോകകപ്പിന്റെ ആവേശം വിദ്യാർഥികളിലേക്ക് പകർത്തി തിരൂർ എം ഇ എസ് സെൻട്രൽ സ്കൂളിൽ വർണാഭമായ പരിപാടികൾ സംഘടിപ്പിച്ചു. വിവിധ രാജ്യങ്ങളുടെ ഫുട്ബോൾ ടീമുകളുടെ ജഴ്സികൾ അണിഞ്ഞെത്തിയ വിദ്യാർഥികൾ സ്കൂൾ അങ്കണത്തിൽ അണിനിരന്നത് ലോകകപ്പ് വേദിയെ അനുസ്മരിപ്പിക്കുന്ന കാഴ്ചയായി.
പ്രത്യേക അസംബ്ലിയിൽ ഫിഫയുടെ ഔദ്യോഗിക ഫുട്ബോൾ സ്കൂൾ പ്രിൻസിപ്പൽ വി പി മധുസൂദനൻ പ്രദർശിപ്പിച്ചു. ലോക ഫുട്ബോളിന്റെ ചരിത്രവും കായികമൂല്യങ്ങളും പരിചയപ്പെടുത്തുന്ന സന്ദേശങ്ങളും വിദ്യാർഥികൾക്ക് നൽകി. തുടർന്ന് വിവിധ ടീമുകളുടെ പതാകകളും പ്ലക്കാർഡുകളും ഉയർത്തിപ്പിടിച്ച് വിദ്യാർഥികൾ പങ്കെടുത്ത ഫുട്ബോൾ റാലി സ്കൂൾ ക്യാമ്പസിൽ ശ്രദ്ധേയമായി.
കായികരംഗത്തോടുള്ള താൽപര്യം വളർത്തുന്നതിനും കൂട്ടായ്മ, അച്ചടക്കം, കായികമനോഭാവം തുടങ്ങിയ മൂല്യങ്ങൾ വിദ്യാർഥികളിൽ പ്രോത്സാഹിപ്പിക്കുന്നതിനും പരിപാടി സഹായകമായി. അധ്യാപകരുടെയും വിദ്യാർഥികളുടെയും സജീവ പങ്കാളിത്തം പരിപാടിയെ ശ്രദ്ധേയമാക്കി.
Leave a Reply