സ്വർണക്കടത്ത് കേസ്: ഫൈസൽ എടശേരി രാജി വയ്ക്കുക

തിരൂർ: ദുബൈയിൽ നിന്നും നെടുമ്പാശ്ശേരി എയർപ്പോർട്ട് വഴി കസ്റ്റംസിനെ വെട്ടിച്ച് സ്വർണ്ണം കടത്താൻ ശ്രമിച്ചതിന് കേസെടുത്ത തിരുന്നാവായ ഡിവിഷനിൽ നിന്നുള്ള ജില്ലാ പഞ്ചായത്തംഗം ഫൈസൽ എടശ്ശേരി തൽസ്ഥാനം രാജിവെക്കണമെന്ന് എസ്.ഡി.പി.ഐ തിരുന്നാവായ പഞ്ചായത്ത് കമ്മറ്റി പ്രസിഡണ്ട് നൗഷാദ്.സീ.വി., സെക്രട്ടറി ജാഫർ സീ.പി ,കമ്മറ്റിയംഗം മുസ്തഫ എന്നിവർ ആവശ്യപ്പെട്ടു.
നിയമസഭയിൽ വരെ വിഷയം ചർച്ചയാവുകയും തിരുന്നാവായയുടെ നാമത്തെ കളങ്കപ്പെടുത്തുകയും ചെയ്യാൻ മെമ്പറുടെ ഈ പ്രവൃത്തി കാരണമായിട്ടുണ്ട്. സ്വർണ്ണ കടത്തിനെതിരായി നിലപാടുണ്ടെങ്കിൽ അദ്ധേഹത്തെ കൊണ്ട് രാജിവെപ്പിക്കേണ്ട ധാർമ്മികപരമായ ഉത്തരവാധിത്വം മുസ്ലിം ലീഗിന് ഉണ്ട്. ഒരു വർഷം മുമ്പ് 23. 08.2023 ന് സംഭവം നടന്നിട്ടും പാർട്ടി വിഷയത്തിൽ യാതൊരു നടപടിയും കൈക്കൊള്ളാതിരുന്നതും ദുരൂഹമാണ്. ജില്ലാ പഞ്ചായത്തംഗം രാജിവെച്ചിലുങ്കിൽ പ്രത്യക്ഷ സമരങ്ങളുമായി മുന്നോട്ടു പോകാനും പഞ്ചായത്ത് കമ്മറ്റി തീരുമാനിച്ചു.