ഏഴിമല റെയിൽവെ മേൽപാലം നിർമാണം തുടങ്ങി

കണ്ണൂർ: കുഞ്ഞിമംഗലം പഞ്ചായത്തിൽ ഏഴിമല റെയിൽവെ മേൽപാലം നിർമ്മിക്കുന്ന പ്രവൃത്തി തുടങ്ങി. മേൽപാലം നിർമ്മിക്കുന്നതിന് 47.78 കോടി രൂപയാണ്  അനുവദിച്ചത്. 525 മീറ്റർ നീളത്തിൽ നിർമ്മിക്കുന്ന റെയിൽവേ മേൽപാലത്തിന് 10.35 മീറ്റർ വീതിയും ഏഴ് മീറ്റർ വീതിയിൽ റോഡും, ഒന്നര മീറ്റർ വീതിയിൽ ഫുട്പാത്തും നിർമ്മിക്കും. ഇരുഭാഗത്തും നാലര മീറ്റർ വീതിയിൽ സർവ്വീസ് റോഡുകളും നിർമ്മിക്കും
സ്ഥലം സ്ഥലം ഏറ്റെടുക്കലിന് സംസ്ഥാന സർക്കാർ 1.51 കോടി രൂപ അനുവദിക്കുകയും സ്ഥലം ഏറ്റെടുക്കൽ നടപടി പൂർത്തീ കരിക്കുകയും ചെയ്തിട്ടുണ്ട്.
കൊൽക്കത്തയിലെ ഇൻഫ്ര കൺസ്ട്രൂ ലിമിറ്റഡ് കമ്പനിക്കാണ് നിർമ്മാണ കരാർ.
കേരള റെയിൽ ഡവലപ്പ്മെൻ്റ് കോർപ്പറേഷൻ (കെ – റെയിൽ) മുഖേനയാണ് പദ്ധതി നടപ്പിലാക്കുന്നത്.
ദീർഘ നാളത്തെ കുഞ്ഞിമംഗലം നിവാസികളുടെ സ്വപ്നമാണ് യാഥാർത്ഥ്യമാകുന്നത്. പ്രവൃത്തി വേഗത്തിൽ പൂർത്തികരിക്കാനുളളനടപടി സ്വീകരിക്കുമെന്ന് എംഎൽഎ പറഞ്ഞു