പുത്തനത്താണി: ആർ.എസ്.എസുമായി അവിശുദ്ധ ബന്ധമുള്ള ഒരു രാഷ്ട്രീയ സംവിധാനമായി കേരളത്തിൽ സി.പി.എം മാറിയെന്ന് എസ്,ഡി,പി,ഐ സംസ്ഥാന വൈസ് പ്രസിഡന്റ് തുളസീധരൻ പള്ളിക്കൽ അഭിപ്രായപ്പെട്ടു. പിണറായി, പോലീസ്, ആർഎസ്എസ് കൂട്ടുകെട്ടിനെതിരെ എസ്ഡിപിഐ സംസ്ഥാന വ്യാപകമായി സംഘടിപ്പിക്കുന്ന ജന ജാഗ്രത ക്യാപംയിന്റെ ഭാഗമായി തിരൂർ മണ്ഡലം കമ്മിറ്റിയുടെ നേതൃത്വത്തിൽ പുത്തനത്താണിയിൽ സംഘടിപ്പിച്ച പദയാത്രക്ക് ശേഷമുള്ള പൊതുയോഗം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. മതസൗഹാർദ്ദത്തിന്റെ ഈറ്റില്ലമായ മലപ്പുറം ജില്ലയെ കേരള മുഖ്യൻ കുറ്റവാളികളുടെ ജില്ലയായി ചിത്രീകരിച്ച് അപകീർത്തിപ്പെടുത്തിയെന്നും കേരളത്തിലെ പോലീസ് സേനയെ ആർഎസ്എസിന്റെ ആലയിൽ കൊണ്ടുപോയി കെട്ടിയ കഴിവുകെട്ട അഭ്യന്തര മന്ത്രിയാണ് പിണറായി വിജയനെന്നും അദ്ദേഹം ചൂണ്ടിക്കാട്ടി. എസ്ഡിപിഐ മണ്ഡലം പ്രസിഡന്റ് നിസാർ അഹമ്മദ് ചടങ്ങിൽ അദ്ധ്യക്ഷനായിരുന്നു. എസ്ഡിപിഐ മലപ്പുറം ജില്ലാ സെക്രട്ടറി അഡ്വക്കറ്റ് കെസി നസീർ, ജില്ലാ സെക്രെട്ടറിയേറ്റ് അംഗം എ. കെ. മജീദ് എന്നിവർ സംസാരിച്ചു. മണ്ഡലം സെക്രട്ടറി കെ.സി ഷമീർ സ്വാഗതവും ആതവനാട് പഞ്ചായത്ത് പ്രസിഡൻറ് അഷ്റഫ് പുത്തനത്താണി നന്ദിയും പറഞ്ഞു. കുട്ടികളത്താണിയിൽ നിന്നും ആരംഭിച്ച പദയാത്രയ്ക്ക് കെ ജുബൈർ, നജീബ് തിരൂർ, എ.പി ഹംസ, കെ സി ഷമീർ, ഫൈസൽബാബു, അഷ്റഫ് തിരൂർ അഷ്റഫ് പുത്തനത്താണി എന്നിവർ നേതൃത്വം നൽകി.
Leave a Reply