മലയാള സിനിമയിൽ സ്ത്രീകൾക്കെതിരെ മോശം പ്രവണതയുണ്ട്

ബാംഗ്ലൂർ: മലയാള സിനിമ മേഖലയെ വിമർശിച്ച് നടി സുമലത. മലയാള സിനിമ രംഗത്ത് സ്ത്രീകൾക്കെതിരെ മോശം പ്രവണത നിലനിർത്തുന്നതായി പലരും തന്നോട് പറഞ്ഞിട്ടുണ്ടെന്ന് നടിസുമലത. മലയാളത്തിൽ ഉൾപ്പെടെ എല്ലാ സിനിമാ മേഖലകളിലും പവർ സെന്ററുകൾ ഉണ്ട്. സിനിമാരംഗത്തെ സ്ത്രീകളുടെ സംരക്ഷണത്തിനായി കേന്ദ്ര-സംസ്ഥാന തലത്തിൽ സെൻസർ ബോർഡ് മാതൃകയിൽ ഭരണ സംവിധാനങ്ങൾ ഉണ്ടാവണമെന്നും സുമലത ആവശ്യപ്പെട്ടു. ഇതിനായി മന്ത്രിക്ക് കത്ത് നൽകുമെന്ന് അവർ കൂട്ടിച്ചേർത്തു.
സ്ത്രീകൾക്ക് ഇത്തരത്തിൽ ഒരു ധൈര്യം കിട്ടാൻ കാരണം ഡബ്ല്യുസിസിയുടെ പ്രവർത്തനമാണ്.അവരെ ഇക്കാര്യത്തിൽ അഭിനന്ദിക്കുന്നു.ഒരു സ്വകാര്യ വാർത്താ ചാനൽ ഇന്ന് നൽകിയ അഭിമുഖത്തിൽ സംസാരിക്കുകയായിരുന്നു അവർ. മലയാള സിനിമാരംഗത്ത് സ്ത്രീകൾക്കെതിരെയുള്ള പ്രവർത്തനങ്ങൾക്ക് ഞാൻ സാക്ഷി അല്ല എന്ന് കരുതി അതൊന്നും അവിടെ നടക്കുന്നില്ല എന്ന് പറയാൻ ഞാൻ ആളല്ലെന്നും സുമലത പറഞ്ഞു.