മേലൂർ : മേലൂർ പഞ്ചായത്ത് അതിർത്തിയിലെ ഒരുമ റെസിഡെൻസ് അസോസിയേഷൻ്റെ 9-ാം വാർഷികവും പുതുവത്സരാഘോഷവും സംഘടിപ്പിച്ചു. വാർഷികാഘോഷം ചങ്ങാനാശ്ശേരി അസംപ്ഷൻ കോളേജ് അദ്ധ്യാപകൻ ജെയിംസ് ജോസഫ് ഉദ്ഘാടനം ചെയ്തു. സോണി ടി എ അധ്യക്ഷത വഹിച്ചു. പ്രമുഖ പ്രഭാഷകനും കൊരട്ടി ഗ്രാമപഞ്ചായത്ത് വികസന സ്റ്റാൻ്റിംങ്ങ് കമ്മറ്റി ചെയർമാൻ അഡ്വ കെ ആർ സുമേഷ് മുഖ്യപ്രഭാഷണം നടത്തി. നായരങ്ങാടി ഗവ. യു.പി. സ്കൂൾ മുൻ പ്രധാന അധ്യാപിക ശ്യാമള കെ.എം. വിദ്യാഭ്യാസ- കലാ – കായിയ മേഖലയിൽ പ്രതിഭകൾക്ക് പുരസ്ക്കാരം നൽകി. അരുൺ എം.ജി, വി.എസ് രമാദേവി, പി.ടി ദിനേശ്, പോളി വി.ഒ. ധന്യ മോഹൻ എന്നിവർ പ്രസംഗിച്ചു. തുടർന്ന് സ്നേഹവിരുന്നും, വിവിധ കലാപരിപാടികളും, മ്യൂസിക്കൽ സിംഫണിയും അരങ്ങേറി
Leave a Reply