കാഠ്മണ്ഡു: നേപ്പാളില് വന്ഭൂചലനം. ഭൂകമ്പമാപിനിയില് 7.1 തീവ്രത രേഖപ്പെടുത്തിയ ഭൂചലനമാണ് നേപ്പാളില് അനുഭവപ്പെട്ടത്. ഉത്തരേന്ത്യയിലെ വിവിധ സ്ഥലങ്ങളില് പ്രകമ്പനം അനുഭവപ്പെട്ടു.
പുലര്ച്ചെ നേപ്പാളിന്റെ വടക്കുകിഴക്കന് മേഖലയില് തിബറ്റന് അതിര്ത്തിയിലാണ് ഭൂചലനം അനുഭവപ്പെട്ടത്. നേപ്പാളിലെ ലോബുച്ചെയില് നിന്ന് 93 കിലോമീറ്റര് വടക്കുകിഴക്കായാണ് ഭൂചലനത്തിന്റെ പ്രഭവകേന്ദ്രം. ഭൂമിക്കടിയില് പത്തുകിലോമീറ്റര് ആഴത്തിലാണ് ഭൂചലനം ഉണ്ടായത്.
ഇതിന്റെ തുടര്ച്ചയായി ഡല്ഹി അടക്കമുള്ള ഉത്തേരന്ത്യന് സംസ്ഥാനങ്ങളില് പ്രകമ്പനം അനുഭവപ്പെട്ടു. പട്ന ഉൾപ്പെടെ ബീഹാറിലെ പല പ്രദേശങ്ങളിലും വടക്കൻ ബീഹാറിലെ ഒന്നിലധികം സ്ഥലങ്ങളിലും ശക്തമായ ഭൂചലനം അനുഭവപ്പെട്ടു. പശ്ചിമ ബംഗാളിലും അസം ഉൾപ്പെടെയുള്ള വടക്കുകിഴക്കൻ സംസ്ഥാനങ്ങളിലും ഭൂചലനം അനുഭവപ്പെട്ടതായി റിപ്പോര്ട്ടുണ്ട്.
ഭൂചലനത്തില് നേപ്പാളില് നാശനഷ്ടങ്ങള് എന്തെങ്കിലും സംഭവിച്ചോ എന്ന കാര്യം വ്യക്തമായിട്ടില്ല.
Leave a Reply