മുഹമ്മദ് റിഹാനെ ആദരിച്ചു

താനൂർ : ജില്ലാ നീന്തൽ ചാമ്പ്യൻഷിപ്പിൽ രണ്ടു സ്വർണവും ഒരു വെങ്കലവും കരസ്ഥമാക്കിയ തലക്കടത്തൂർ ഓവുങ്ങലിലെ പാറാപറമ്പിൽ മുഹമ്മദ് റിഹാനെ ഓവുങ്ങൽ മേഖല എം എസ് എഫ് കമ്മിറ്റി ആദരിച്ചു . താനൂർ നിയോജക മണ്ഡലം മുസ്ലിം ലീഗ് വൈസ് പ്രസിഡന്റ് യുസഫ് കല്ലേരി ഉപഹാരം നൽകി.

സി.പി അൻസിൽ ആദ്ധ്യക്ഷ്യം വഹിച്ചു. കുറ്റിപ്പുറം ഗവ: ഹയർ സെക്കണ്ടറി സ്കൂൾ വിദ്യാർത്ഥിയായ മുഹമ്മദ് റിഹാൻ പാറാപറമ്പിൽ ജലീൽ – ഹാജറ ദമ്പതികളുടെ മകനാണ്. ആദരം ചടങ്ങിൽ ചെറിയമുണ്ടം ഗ്രാമ പഞ്ചായത്ത് അംഗം ടി.എ. റഹീം , മുൻ ഗ്രാമ പഞ്ചായത്ത് പ്രസിഡന്റ് എം എ റഫീഖ് , പഞ്ചായത്ത് എം എസ് എഫ് പ്രസിഡൻ്റ് അസ്‌ലം വാണിയന്നൂർ , ഹസീബ് എൻ , പി. ആഷിഖ് എന്നിവർ പ്രസംഗിച്ചു.