‘ഉലകനായകന്’ പകരമായി തന്നെ കമല് ഹാസനെന്നോ കമല് എന്നോ എകെ എന്നോ വിശേഷിപ്പിച്ചാല് മതിയെന്ന് തെന്നിന്ത്യൻ താരം കമൽഹാസൻ. ഫേസ്ബുക്കിലൂടെയാണ് താരത്തിന്റെ തുറന്നുപറച്ചിൽ
”ഉലകനായകന് പോലുള്ള വിശേഷണങ്ങള് കേള്ക്കുമ്പോള് എനിക്ക് എപ്പോഴും സന്തോഷം തോന്നിയിരുന്നു. കലാകാരന് കലയ്ക്ക് മുകളിലേക്ക് ഉയരാന് പാടില്ല. എന്റെ കുറവുകളെക്കുറിച്ചും മെച്ചപ്പെടാനുള്ള ഉത്തരവാദിത്വവും മനസിലാക്കി എപ്പോഴും എളിമയോടെ തുടരാനാണ് ആഗ്രഹിക്കുന്നത്. അതിനാലാണ് വിശേഷണങ്ങളും സ്ഥാനപ്പെരുകളുമെല്ലാം ഉപേക്ഷിക്കാന് തീരുമാനിച്ചത്” കമല് ഹാസന് പറഞ്ഞു.
മനോഹരമായ കലയെ സ്നേഹിക്കുന്നവനായി നിങ്ങള്ക്കൊപ്പം തുടരാനും തന്റെ ലക്ഷ്യത്തോട് വിശ്വസ്തത പുലര്ത്താന് വേണ്ടിയുമാണ് ഇങ്ങനെയൊരു തീരുമാനമെടുത്തതെന്നുമാണ് കമല് ഹാസന്റെ കുറിപ്പില് പറയുന്നത്. നേരത്തെ നടന് അജിത് കുമാറും തന്റെ വിശേഷണങ്ങള് ഒഴിവാക്കുന്നതായി അറിയിച്ചിരുന്നു. തല എന്നാണ് താരം അറിയപ്പെട്ടിരുന്നത്.
Leave a Reply