ന്യൂഡല്‍ഹി: അമേരിക്കന്‍ പ്രസിഡന്റ് തെരഞ്ഞെടുപ്പില്‍ വിജയിച്ച റിപ്പബ്ലിക്കന്‍ പാര്‍ട്ടിയുടെ സ്ഥാനാര്‍ഥി ഡോണള്‍ഡ് ട്രംപിനെ അഭിനന്ദിച്ച് ഇന്ത്യന്‍ പ്രധാനമന്ത്രി നരേന്ദ്രമോദി. സുഹൃത്തേ, ഹൃദയം നിറഞ്ഞ അഭിനന്ദനങ്ങള്‍ എന്ന മുഖവുരയോടെയാണ് ട്രംപിന് മോദി എക്‌സിലൂടെ അഭിനന്ദനം അറിയിച്ചത്.
‘നിങ്ങളുടെ ചരിത്രപരമായ തെരഞ്ഞെടുപ്പ് വിജയത്തില്‍, സുഹൃത്തേ, ഹൃദയം നിറഞ്ഞ അഭിനന്ദനങ്ങള്‍. കഴിഞ്ഞ ടേമില്‍ വിജയിച്ചതിന് സമാനമായി, ഇന്ത്യ-യുഎസ് സമഗ്രമായ ആഗോള, തന്ത്രപരമായ പങ്കാളിത്തം കൂടുതല്‍ ശക്തിപ്പെടുത്തുന്നതിന് ഇരുരാജ്യങ്ങളും തമ്മിലുള്ള സഹകരണം പുതുക്കാന്‍ ഞാന്‍ ആഗ്രഹിക്കുന്നു. ജനങ്ങളുടെ ഉന്നമനത്തിനും ആഗോള സമാധാനം, സ്ഥിരത, സമൃദ്ധി എന്നിവ പ്രോത്സാഹിപ്പിക്കുന്നതിനും ഒരുമിച്ച് പ്രവര്‍ത്തിക്കാം.’ എന്നും മോദി എക്‌സില്‍ കുറിച്ചു.
Leave a Reply