പാലക്കാട്: കോണ്‍ഗ്രസിലെ മുഖ്യമന്ത്രി സ്ഥാനാര്‍ഥിമാരിൽ ഒരാളായ കെ. മുരളീധരന്‍ അസംബ്ലിയിലേക്ക് വരുന്നത് വി.ഡി. സതീശന് ഇഷ്ടമല്ലാത്ത കാര്യമാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍ .
കോണ്‍ഗ്രസ് നേതാവ് കെ. മുരളീധരന്‍ നിയമസഭയില്‍ എത്തുന്നത് പ്രതിപക്ഷ നേതാവ് വിഡി സതീശന് ഇഷ്ടമില്ല. പാലക്കാട്ടെ കോണ്‍ഗ്രസ് കമ്മറ്റി ഏകകണ്ഠമായി തീരുമാനിച്ചതാണ് മുരളിധരനെ സ്ഥാനാര്‍ഥിയാക്കാന്‍. അത് പരിഗണിക്കാതെ സതീശന് രാഹുലിനെ സ്ഥാനാര്‍ഥിയാക്കുകയായിരുന്നെന്ന് എംവി ഗോവിന്ദന്‍ പറഞ്ഞു.
പാലക്കാട് ഉപതെരഞ്ഞെടുപ്പില്‍ വോട്ടെണ്ണുമ്പോള്‍ ബിജെപി മൂന്നാമത് ആകും. ഈ ശ്രീധരന് കിട്ടിയ വോട്ടുപോലും ബിജെപി സ്ഥാനാര്‍ഥിക്ക് കിട്ടില്ല. കഴിഞ്ഞ തവണ ഷാഫിക്ക് കിട്ടിയ വോട്ട് കോണ്‍ഗ്രസിനും കിട്ടില്ല. ഇവിടെ യുഡിഎഫും കോണ്‍ഗ്രസും തമ്മിലാണ് മത്സരം. സരിന്‍ വമ്പിച്ച രീതിയില്‍ മുന്നേറുകയാണ്. വലിയ വിജയം നേടുമെന്നും ഗോവിന്ദന്‍ പറഞ്ഞു.
Leave a Reply