കൊച്ചി: ഓട്ടോ ഡ്രൈവർ യുവതിയുടെ കഴുത്തിന് വെട്ടി. ഓട്ടോ കൂലി തർക്കമാണ് സംഭവത്തിന് പിന്നിലെന്ന് പോലീസ്’.
എറണാകുളം ഏലൂരിലാണ് സംഭവം. കൊലപ്പെടുത്താന്‍ ശ്രമിച്ചയാളെ പൊലീസ് അറസ്റ്റ് ചെയ്തു. മുളവുകാട് ദീപുവിനെയാണ് ഏലൂര്‍ പൊലീസ് അറസ്റ്റ് ചെയ്തത്. ഏലൂര്‍ സ്വദേശിനി സിന്ധുവിനെയാണ് ഇയാള്‍ കൊലപ്പെടുത്താന്‍ ശ്രമിച്ചത്.
ഓട്ടോറിക്ഷയുടെ വാടകയുടെ പേരില്‍ നടന്ന തര്‍ക്കമാണ് ആക്രമണത്തില്‍ കലാശിച്ചത്. സിന്ധു നടത്തുന്ന സ്ഥാപനത്തിലെ ഓട്ടോ ഡ്രൈവറാണ് ദീപു.
ഇന്നലെ രാത്രി എട്ട് മണിയോടെയായിരുന്നു സംഭവം. യുവതിയുടെ കഴുത്തില്‍ ദീപു വെട്ടുകയായിരുന്നു. തുടര്‍ന്ന് സ്വകാര്യ ആശുപത്രിയില്‍ പ്രവേശിപ്പിച്ച സിന്ധു ചികിത്സയിലാണ്.
Leave a Reply