ഇടുക്കിയിലെ ആദ്യ ടോൾ പ്ലാസ തുറന്നു

മൂന്നാർ: ഇടുക്കി ജില്ലയിലെ ആദ്യ ടോൾ പ്ലാസ ദേവികുളം ലാക്കാട് പ്രവർത്തനം ആരംഭിച്ചു. കൊച്ചി-ധനുഷ്കോടി ദേശീയ പാതയിൽ പുനർനിർമാണം പൂർത്തിയാക്കിയ മൂന്നാർ-ബോഡിമെട്ട് റോഡിലാണ് ടോൾ പ്ലാസ സ്ഥാപിച്ചിട്ടുള്ളത്. വെള്ളിയാഴ്ച രാവിലെ എട്ടിന് ടോൾ പിരിക്കാൻ തുടങ്ങി.
ആന്ധ്രാപ്രദേശിൽ നിന്നുള്ള കമ്പനിയാണ് ടോൾ പിരിവ് നടത്തുന്നത്. മൂന്നാർ-ബോഡിമെട്ട് റോഡിന്റെ നിർമാണം ജനുവരിയിൽ പൂർത്തിയായെങ്കിലും സാങ്കേതിക കാരണങ്ങളാൽ ടോൾ പിരിവ് തുടങ്ങിയിരുന്നില്ല. കൂടാതെ ടോൾ ഈടാക്കുന്നതിനെതിരെ പ്രതിഷേധവുമായി വിവിധ രാഷ്ട്രീയ കക്ഷികൾ നേരത്തെ രംഗത്തെത്തിയിരുന്നു.