.
രവിമേലൂർ
ആസാം നാഗൗൺ സ്വദേശികളായ അസ്മിന ബീഗം (40), മുഹബുള്ള ഹക്ക് എന്നിവരെയാണ് കുറുപ്പംപടി പോലീസ് പിടികൂടിയത്. ഇവർ താമസിക്കുന്ന കോട്ടച്ചിറയിലെ ലൈൻ കെട്ടിടത്തിലെ ആറാമത്തെ മുറിയിൽ നിന്നാണ് കഞ്ചാവ് കണ്ടെത്തിയത്. ഭാര്യാഭർത്താക്കൻമാരാണെന്നാണ് ഇവർ പോലീസിനോട് പറഞ്ഞത്.പോലീസിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ പരിശോധന നടത്തിയപ്പോൾ മൂന്ന് പ്രത്യേക കവറുകളിൽ പൊതിഞ്ഞ് സൂക്ഷിച്ച നിലയിലായിരുന്നു കഞ്ചാവ് .ആസാമിൽ നിന്ന് ട്രെയ്നിൽ കഞ്ചാവെത്തിച്ച് ചെറിയ പൊതികളിലാക്കിയാണ് വിൽപ്പന. കൂടുതലായും ഇതര സംസ്ഥാനക്കാർക്കിടയിലാണ് കഞ്ചാവ് കഞ്ചവടം നടത്തുന്നത്. കഴിഞ്ഞ ദിവസം പെരുമ്പാവൂരിൽ നിന്ന് മുന്നൂറ് ഗ്രാം രാസലഹരിയും, കഞ്ചാവുമായി ഏഴ് യുവാക്കളെ പിടികൂടിയിരുന്നു. ഏഴ് പേരേയും കോടതി റിമാൻ്റ് ചെയ്തു. കുറുപ്പം ഇൻസ്പെക്ടർ വി.എം കേഴ്സൻ, എസ് ഐ മാരായ എൽദോ പോൾ, പി.വി ജോർജ്ജ്, എം.ആർ ശ്രീകുമാർ, ഇബ്രാഹിം കുട്ടി സി.പി.ഒമാരായ കെ.പി നിസാർ, എ.ആർ അജേഷ്, ആൻസി .കെ .കാസിം തുടങ്ങിയവരാണ് അന്വേഷണ സംഘത്തിലുള്ളത്.
Leave a Reply