മഴ പുഴ കട്ടൻ ചായ പാട്ടും പറച്ചിലുമായി പുരോഗമന കലാ സാഹിത്യ സംഘം

മഴ പുഴ കട്ടൻ ചായ പാട്ടും പറച്ചിലുമായി പുരോഗമന കലാ സാഹിത്യ സംഘം

പരപ്പനങ്ങാടി : ഓഗസ്റ്റ് 6,7,8 തിയതികളിൽ കണ്ണൂരിൽ വെച്ച് നടക്കുന്ന പുരോഗമന കലാ സാഹിത്യ സംഘം സംസ്ഥാന സമ്മേളനത്തോടനുബന്ധിച്ച് പുരോഗമന കലാസാഹിത്യ സംഘം പരപ്പനങ്ങാടി, നെടുവ യൂണിറ്റുകളുടെ സംയുക്താഭിമുഖ്യത്തിൽ പുത്തൻ പീടിക നവജീവൻ ഓഡിറ്റേറിയത്തിൽ വെച്ച് മഴ പുഴ കട്ടൻ ചായ പാട്ടും പറച്ചിലും ഗാന സദസ് സംഘടിപ്പിച്ചു. പുരോഗമന കലാസാഹിത്യ സംഘം തിരൂരങ്ങാടി മേഖല ജോ. സെക്രട്ടറി വിനോദ് കുമാർ തള്ളശേരി നേതൃത്വം നൽക്കിയ പരിപാടിയിൽ ജയചന്ദ്രൻ, പ്രസീത, ശ്രീലയ, ശ്രീലത ടീച്ചർ, നിധീഷ്, നിധീഷ് തള്ളശേരി, ധനീഷ്, ജയചന്ദ്രൻ പട്ടാളത്തിൽ എന്നിവർ ഗാനങ്ങൾ ആലപിച്ചു. ഗായകർക്കൊപ്പം ഭാസ്ക്കരൻ താനുർ തബലയും,
വിജയൻ താനൂർ ഹാർമോണിയവുമായി പിന്നണിയിൽ അണിചേർന്നു.

പുരോഗമന കലാസാഹിത്യ സംഘം തിരൂരങ്ങാടി മേഖല സെക്രട്ടറി നാരായണൻ നീലമന, പ്രസിഡന്റ് സോമസുന്ദരൻ എന്നിവർ ആശംസകൾ അർപ്പിച്ച ചടങ്ങിൽ തിരൂരങ്ങാടി മേഖല കമ്മറ്റി അംഗങ്ങളായ പുരുഷോത്തമൻ പാലാരി സ്വാഗതവും, ജിത്തു വിജയ് നന്ദിയും പറഞ്ഞു.