അരീക്കോട് താലൂക്കാശുപത്രി പൊളിച്ച് നീക്കാത്തതിൽ എസ്ഡിപിഐ ആശങ്ക അറിയിച്ചു

അരീക്കോട് : അരീക്കോട് താലൂക്കാശുപത്രിയിൽ കാലപഴക്കം ചെന്ന കെട്ടിടം പൊതുമരാമത്ത് എൻജിനിയർ അൺഫിറ്റ് അടിച്ച് ഒരു വർഷം കഴിഞ്ഞിട്ടും പൊളിച്ച് നീക്കാത്തതിൽ എസ്ഡിപിഐ അരീക്കോട് പഞ്ചായത്ത് കമ്മറ്റി ആശങ്ക അറിയിച്ചു. അഡ്മിറ്റ് രോഗികൾ കിടന്നിരുന്ന പഴയ കെട്ടിട്ടം സീലിംഗ് അടക്കം അടർന്ന് വീണത് ആരോഗ്യ വകുപ്പിൻ്റെ ശ്രദ്ധയിൽപ്പെടുത്തിയിരുന്നു . ഉപയോഗയോഗ്യമല്ല എന്ന് എൻജിനിയർമാർ അറിയിച്ചതിനെ തുടർന്ന് അഡ്മിറ്റ് രോഗികളെ പുതിയ കെട്ടിടത്തിലേക്ക് മാറ്റിയിട്ടുണ്ടെങ്കിലും പുതിയ കെട്ടിടത്തിലേക്കുള്ള പ്രവേശനം കാലപഴക്കമുള്ള കെട്ടിടത്തിലൂടെയാണ്. കോട്ടയം മെഡിക്കൽ കോളേജിൽ കെട്ടിടം തകർന്ന് കൂട്ടിരിപ്പിന് വന്ന സ്ത്രീമരണപ്പെട്ട സാഹചര്യത്തിൽ അരീക്കോട് താലൂക്ക് ആശുപത്രിയിൽ അൺ ഫിറ്റ് അടിച്ച പഴയ കെട്ടിടംജനങ്ങളുടെ ജീവന് ഭീഷണിയായതിനാൽ ഉടൻ പൊളിച്ചുമാറ്റി ആശുപത്രിയുടെ വികസനത്തിന്‌ ആവശ്യമായ പുതിയ കെട്ടിടം ഉടൻ നിർമാണം പൂർത്തിയാകാണാമെന്നും അല്ലാത്ത പക്ഷം ശക്തമായ ജനകീയ സമരത്തിന് പാർട്ടി നേതൃത്വം നൽകുമെന്നും ഭാരവാഹികൾ അറിയിച്ചു. എസ്ഡിപിഐ അരീക്കോട് പഞ്ചായത്ത് പ്രസിഡന്റ് അബ്ദുൽ ലത്തീഫ്. സെക്രട്ടറി മുജീബ് പട്ടീരി. വൈസ് പ്രസിഡന്റ് ഇഖ്‌ബാൽ പൂക്കോട്ടു ചോല. ജാഫർ ഉഴുന്നൻ. സുലൈമാൻ പനോളി. ഖാസിം കേരള തുടങ്ങിയവർ
സംസാരിച്ചു.