കേരളത്തിലെ നാഷണലിസ്റ്റ് കോൺഗ്രസ് പാർട്ടി സംഘടനയിൽ പാർട്ടി അച്ചടക്കലംഘനവും സംഘടനാവിരുദ്ധ പ്രവർത്തനങ്ങളും സംബന്ധിച്ച് ഉയർന്ന പരാതികളുടെ അടിസ്ഥാനത്തിൽ പാർട്ടി ദേശീയ നേതൃത്വം കർശന നടപടികൾ സ്വീകരിച്ചിരിക്കുന്നു.
ന്യൂഡൽഹിയിലെ പാർട്ടി കേന്ദ്ര ഓഫീസിൽ നിന്ന് പുറത്തിറക്കിയ ഔദ്യോഗിക ഉത്തരവിന്റെ അടിസ്ഥാനത്തിൽ, കേരളത്തിലെ സംസ്ഥാന വർക്കിംഗ് പ്രസിഡൻ്റായ ഡോ. സാജി പോത്തൻ തോമസ്, ദേശീയ വർക്കിംഗ് കമ്മിറ്റി അംഗം പന്തളം മോഹൻദാസ് എന്നിവരെ പാർട്ടിയുടെ പ്രാഥമിക അംഗത്വത്തിൽ നിന്ന് തൽക്ഷണം സസ്പെൻഡ് ചെയ്തതായി അറിയിച്ചിരിക്കുന്നു.
കൂടാതെ, കേരള സംസ്ഥാന എൻ.സി.പി കമ്മിറ്റിയിൽ അദ്ദേഹം വഹിച്ചിരുന്ന എല്ലാ പദവികളിൽ നിന്നും ഉത്തരവാദിത്വങ്ങളിൽ നിന്നും ഒഴിവാക്കിയിട്ടുണ്ട്.
പരാമർശിച്ച വിഷയങ്ങൾ വിശദമായി പരിശോധിക്കുന്നതിനായി കേസ് കേരള സംസ്ഥാന അച്ചടക്ക സമിതിക്ക് കൈമാറിയിട്ടുണ്ട്. സമിതിയുടെ അന്തിമ റിപ്പോർട്ട് വരുന്നതുവരെ സസ്പെൻഷൻ തുടരുമെന്നും അറിയിച്ചിട്ടുണ്ട്.
അന്വേഷണ നടപടികളിൽ ആവശ്യമായ സഹകരണം നൽകണമെന്നും ഇരുവരോടും നിർദ്ദേശിച്ചിട്ടുണ്ട്.
ഈ നടപടിയെക്കുറിച്ച് പാർട്ടിയുടെ ദേശീയ വർക്കിംഗ് പ്രസിഡന്റായ പ്രഫുൽ പട്ടേൽ, ദേശീയ നേതാക്കളായ ബ്രിജ്മോഹൻ ശ്രീവാസ്തവ, കേരള സംസ്ഥാന പ്രസിഡന്റ് കെ. എ. ജബ്ബാർ എന്നിവർക്കും ഔദ്യോഗികമായി അറിയിച്ചിട്ടുണ്ടെന്ന് വ്യക്തമാക്കുന്നു.
പാർട്ടിയുടെ അച്ചടക്കവും സംഘടനാ ശുദ്ധിയും ഉറപ്പാക്കുന്നതിൽ യാതൊരു വിധത്തിലുള്ള വിട്ടുവീഴ്ചയും ഉണ്ടാകില്ലെന്ന് ദേശീയ നേതൃത്വം വ്യക്തമാക്കി.
Leave a Reply