താനൂർ : പ്രതിപക്ഷമില്ലാത്ത മലപ്പുറം ജില്ലാ പഞ്ചായത്തിൽ യുഡിഎഫിന് താനുർ നിയോജക മണ്ഡലത്തിൽ നിന്നും 5 പേരിൽ 3 മുസ്ലിം ലീഗ്കാരും 2 കോൺഗ്രസ്കാരും. താനാളൂർ ഡിവിഷനിൽ നിന്നും വിജയിച്ച് ജില്ലാ പഞ്ചായത്ത് വൈസ് പ്രസിഡണ്ടായ അഡ്വ : എ പി സ്മിജി, പൊന്മുണ്ടം ഡിവിഷനിൽ നിന്നും വിജയിച്ച ബഷീർ രണ്ടത്താണി, കോൺഗ്രസ് പ്രതിനിധികളായി തേഞ്ഞിപ്പലം ഡിവിഷനിൽ നിന്നും വിജയിച്ച ഷാജി പച്ചേരിയും മംഗലം ഡിവിഷനിൽ നിന്നും വിജയിച്ച ആരതി പ്രദീപും താനൂർ മണ്ഡലത്തിലെ ഒഴൂർ പഞ്ചായത്ത് സ്വദേശികളാണ്. ആനക്കയം ഡിവിഷനിൽ നിന്നും വിജയിച്ച വനിതാ ലീഗ് സംസ്ഥാന വൈസ് പ്രസിഡണ്ട് ഷാഹിന നിയാസിയുടെ സ്വദേശം നിറമരുതൂർ പഞ്ചായത്തിലാണ്. 5 ൽ 2 പേർ നിലവിൽ ജില്ലാ ഭരണ സാരഥികളുമായി. അഡ്വ:എ പി സ്മിജി ജില്ലാ പഞ്ചായത്ത് വൈസ് പ്രസിഡൻ്റും ഷാഹിന നിയാസി വികസന സ്റ്റാൻ്റിംഗ് കമ്മിറ്റി ചെയർപേഴ്സൺ സ്ഥാനത്തുമെത്തി. ഷാജി പച്ചേരിയും,ആരതി പ്രദീപും സാമുദായിക പരിഗണനയിൽ കോൺഗ്രസിന് അനുവദിച്ച സ്റ്റാൻ്റിംഗ് കമ്മിറ്റി ചെയർമാൻമാരുടെ പ്രഥമ പരിഗണനയിലുള്ളവരാണ്.
Leave a Reply