KUWJ മുൻ സംസ്ഥാന ജനറൽ സെക്രട്ടറി എസ് ജയശങ്കർ (75) നിര്യാതനായി

തിരുവനന്തപുരം :കേരള പത്രപ്രവർത്തകയൂണിയൻ്റെ (KUWJ ) മുൻ സംസ്ഥാന ജനറൽ സെക്രട്ടറി എസ് ജയശങ്കർ (75) നിര്യാതനായി.
കേരള കൗമുദിയിൽ തിരുവനന്തപുരം, കണ്ണൂർ ബ്യൂറോകളിലായി ദീർഘകാലം മാധ്യമപ്രവർത്തകനായിരുന്നു.
കേരളകൗമുദി പത്രാധിസമിതി അംഗമായി പ്രവർത്തിച്ചിട്ടുണ്ട്.
മാധ്യമ പ്രവർത്തകരുടെ അവകാശ പോരാട്ടങ്ങളിൽ മുന്നണിയിൽ നിലകൊണ്ട ജയശങ്കർ പത്രപ്രവർത്തക യൂണിയനെ കരുത്തുറ്റ സംഘടനയാക്കുന്നതിൽ നിർണ്ണായക പങ്ക് വഹിച്ച നേതാവാണ്.

1998 – 99 , 2001-2003, 2003-2005 കാലയളവിലാണ് അദ്ദേഹം
യൂനിയൻ്റെ ജനറൽ സെക്രട്ടറിയായി പ്രവർത്തിച്ചത്. .
തിരുവനന്തപുരം ജഗതി ജംഗ്ഷനിൽ നിന്നും അനന്തപുരി ഓഡിറ്റോറിയത്തിലേക്കു പോവുമ്പോഴുള്ള വളവിൽ വലതുവശത്താണ് വീട്. അവിവാഹിതനായ
അദ്ദേഹം സഹോദരിക്കൊപ്പമായിരുന്നു താമസം. മുൻ തിരുവനന്തപുരം മേയർ സത്യകാമൻ നായരുടെ മകനാണ്.
സംസ്കാരം ഇന്ന് വൈകീട്ട് നാലുമണിയോടെ തിരുവനന്തപുരം തൈക്കാട് ശാന്തികവാടത്തിൽ.

എസ് ജയശങ്കറിൻ്റെ നിര്യാണത്തിൽ കേരള പത്രപ്രവർത്തക യൂണിൻ സംസ്ഥാനകമ്മറ്റി അനുശോചിച്ചു.