മാധ്യമം മലപ്പുറം യൂണിറ്റിന് മുന്നിൽ ജീവനക്കാർ ധർണ നടത്തി

മലപ്പുറം :ശമ്പള പ്രതിസന്ധിക്ക് പരിഹാരം ആവശ്യപ്പെട്ട്​ മാധ്യമം മലപ്പുറം യൂനിറ്റിന് മുന്നിൽ ജീവനക്കാർ ധർണ നടത്തി. കോഴിക്കോട്ട് മാധ്യമം ഹെഡ്ഓഫീസിന് മുന്നിൽ നടത്തിയ രാപ്പകൽ സമരത്തിന് ഐക്യദാർഢ്യമായി നടത്തിയ ധർണ മലപ്പുറം പ്രസ്സ്ക്ലബ് സെക്രട്ടറി വി.പി നിസാർ ഉദ്ഘാടനം ചെയ്തു. ​കേരള പത്രപ്രവർത്തക യൂനിയൻ ​​ക്രഡൻഷ്യൽ കമ്മിറ്റി ചെയർമാൻ വി.അജയകുമാർ, എ.കെ ഹാരിസ്, സിദ്ദീഖ് പട്ടാമ്പി, സർഫറാസ്, ഹാരിസ് വേങ്ങേരി, വി.വി. ശ്രീജിത്ത്, പി. വൃന്ദ, നൗഷാദ് കുന്നക്കാവ് തുടങ്ങിയവർ പ്രസംഗിച്ചു.