കൈത്തക്കര – പല്ലാറ്റ് കായൽതോട് നവീകരണം: ഉദ്യോഗസ്ഥർ സ്ഥലം സന്ദർശിച്ചു

തിരുന്നാവായ : കൈത്തക്കര-പല്ലാറ്റ് കയൽ തോട് ഭിത്തി കെട്ടി സംരക്ഷിക്കുന്നു.വൈരങ്കോട് എം.ഇ.ടി. സ്ക്കൂൾ ഭാഗത്തുള്ള തോട് നവീകരണത്തിനുള്ള നടപടികൾ ആരംഭിക്കുന്നതിൻ്റെ ഭാഗമായി തിരുർ ബ്ലോക്ക് പഞ്ചായത്തിലെ നിർവ്വഹണ ഉദ്യോഗസ്ഥർ സ്ഥലം സന്ദർശിച്ചു.
തിരൂർ ബ്ലോക്ക് പഞ്ചായത്ത് കൈത്തക്കര ഡിവിഷൻ മെമ്പർ ടി.വി.റംഷീദ ടീച്ചറുടെ വാർഷിക പദ്ധതിയിൽ ഉൾപ്പെടുത്തി പത്ത് ലക്ഷം രൂപ ഫണ്ട് ഉപയോഗിച്ചാണ്
തോട് നവീകരിക്കുന്നത്.
കൃഷിക്കും അനുബന്ധ ആവശ്യങ്ങൾക്കും വേണ്ടി ഉപയോഗിച്ചിരുന്ന തോട് പലയിടത്തും ഇടിഞ്ഞ് വീഴുകയും പൊട്ടിപ്പൊളിയുകയും ചെയ്തിരിക്കുന്നു. തകർന്ന് കിടന്നിരുന്ന തോടിൻ്റെ ഭിത്തി വീതി കൂട്ടി സംരക്ഷിക്കുന്നതോടെ കാൽനട യാത്രക്കാർക്ക് ഏറെ ആശ്വാസമാകും.തോട് നവീകരിക്കുവാനും അനുബന്ധ സംവിധാനങ്ങൾ നിർമിക്കുവാനുള്ള നടപടികൾ വേഗത്തിലാക്കണമെന്ന് നാട്ടുകാർ ആവശ്യപ്പെട്ടു.
തിരുർ ബോക്ക് പഞ്ചായത്ത് അംഗം ടി.വി റംഷീദ ടീച്ചർ, തിരുർ ബ്ലോക്ക് അസിസ്റ്റൻ്റ് എക്സികുട്ടിവ് എഞ്ചിനീയർ പി ബീന,പാറപ്പുറത്ത് ബീരാൻ, എ. അബൂബക്കർ, വി.കെ. യാഹു, വി.ലൈല ബാഖു നാട്ടുകാർ എന്നിവർ സ്ഥലം സന്ദർശിച്ചു.