പത്രസമ്മേളനത്തിലെ ആരോപണങ്ങൾ പച്ചക്കള്ളം:

​ഗൂഢാലോചനക്കാർക്കെതിരെ മാനനഷ്ടത്തിന് കേസുമായി അൻവർ സാദത്ത് ചോമയിൽ

​തിരൂർ: വിദ്യാലയത്തിലെ ക്രമക്കേടുകൾ മറച്ചുവെക്കാൻ വേണ്ടി എനിക്കെതിരെ ഒരു സംഘം ആളുകൾ നടത്തിയ പത്രസമ്മേളനത്തിലെ ആരോപണങ്ങൾ വസ്തുതകളുമായി യാതൊരു ബന്ധവുമില്ലാത്തതാണെന്ന് പി.പി.എൻ.എം.എ.യു.പി സ്കൂൾ പിടിഎ പ്രസിഡന്റ് അൻവർ സാദത്ത് ചോമയിൽ പറഞ്ഞു. തനിക്കെതിരെ വ്യാജാരോപണങ്ങൾ ഉന്നയിച്ചവർക്കെതിരെയും അതിന് കൂട്ടുനിന്നഅധ്യാപികയ്ക്കെതിരെയും മാനനഷ്ടത്തിന് സിവിൽ, ക്രിമിനൽ നടപടികൾ സ്വീകരിക്കുമെന്നും അദ്ദേഹം അറിയിച്ചു.

പത്രസമ്മേളനത്തിലെ വാദങ്ങളും സത്യാവസ്ഥയും:
​ആരോപണം 1: സ്കൂളിൽ അതിക്രമിച്ചു കയറി.
വസ്തുത: സ്കൂൾ തുറന്നു പ്രവർത്തിക്കുന്ന സമയത്ത് ഒരു പൊതുപ്രവർത്തകനും പിടിഎ പ്രസിഡന്റും എന്ന നിലയിലാണ് ഞാൻ അവിടെ എത്തിയത്. കുട്ടികൾ പരാതികൾ പറയുമ്പോൾഅവിടെ അതിക്രമിച്ചു കയറി എന്ന് പറയുന്നത് നിയമപരമായി നിലനിൽക്കില്ല.
​ആരോപണം 2: പ്രായമായ ക്യാൻസർ രോഗിയെ മർദ്ദിച്ചു.
വസ്തുത: രോഗിയാണെന്ന സഹതാപം മുൻനിർത്തി ആക്രമണത്തെ ന്യായീകരിക്കാനാണ് ഇവർ ശ്രമിക്കുന്നത്. എന്നാൽ സ്കൂളിലെത്തിയ എന്നെ തടയുകയും മർദ്ദിക്കുകയും ചെയ്തത് ഇതേ വ്യക്തിയാണ്. ഇയാളുടെ ക്രൂരമായ പെരുമാറ്റവും അക്രമാസക്തമായ ശരീരഭാഷയും വ്യക്തമാക്കുന്ന വീഡിയോ ദൃശ്യങ്ങൾ എന്റെ പക്കലുണ്ട്.
​ആരോപണം 3: തസ്തികയിലെ വൈരുദ്ധ്യം.
വസ്തുത: ഇയാൾ സ്കൂളിലെ പ്യൂൺ ആണെന്നാണ് ആദ്യം അറിയിച്ചിരുന്നത്. എന്നാൽ പത്രസമ്മേളനത്തിൽ ഇവർ പറയുന്നത് ‘സ്ലീപ്പർ’ എന്നാണ്. ഇത്തരത്തിൽ ഓരോ സമയത്തും ഓരോന്ന് പറഞ്ഞു പരത്തുന്നതിലൂടെ ഇവരുടെ കള്ളം വ്യക്തമാകുകയാണ്. ഇതിന്റെ സത്യാവസ്ഥ ബോധ്യപ്പെടുത്തുന്ന തെളിവുകൾ അധികൃതർക്ക് മുന്നിൽ ഹാജരാക്കും.
​ആരോപണം 4: കുട്ടികളെചോദ്യം ചെയ്തു.
വസ്തുത: അധ്യാപിക സ്കൂളിൽ എത്തുന്നതിന് മുൻപ് പെൺകുട്ടികൾ അടക്കമുള്ള കുട്ടികളുള്ള സ്കൂളിൽ ഒരു പുരുഷൻ മാത്രം ഉണ്ടായിരുന്നത് ഗുരുതരമായ സുരക്ഷാ വീഴ്ചയാണ്. കുട്ടികൾ എന്നോട് കാര്യങ്ങൾ വിശദീകരിക്കുമ്പോഴാണ് ഇയാൾ പ്രകോപിതനായി കടന്നുവന്നത്. കുട്ടികളെ മുൻനിർത്തി കള്ളക്കഥകൾ മെനയാൻ അധ്യാപിക നടത്തുന്ന നീക്കം അപലപനീയമാണ്.
​ശക്തമായ നിയമനടപടി:
“പത്രസമ്മേളനം നടത്തിയവർ ഉന്നയിച്ച ആരോപണങ്ങൾക്ക് പിന്നിൽ യാതൊരു തെളിവുമില്ല. വെറും ആരോപണങ്ങൾ ഉന്നയിച്ചവർ അതിന് കൃത്യമായ തെളിവ് ഹാജരാക്കണം. അല്ലാത്തപക്ഷം പൊതുസമൂഹത്തിന് മുന്നിൽ എന്നെ അപമാനിച്ചതിന് ഇവർക്കെതിരെ വൻ തുക നഷ്ടപരിഹാരം ആവശ്യപ്പെട്ട് മാനനഷ്ടത്തിന് കേസ് കൊടുക്കും. വരും ദിവസങ്ങളിൽ കൂടുതൽ തെളിവുകൾ പുറത്തുവിടുന്നതോടെ പത്രസമ്മേളനത്തിൽ പങ്കെടുത്തവർ മറുപടി പറയേണ്ടി വരും. നീതി ലഭിക്കുന്നത് വരെ നിയമപോരാട്ടം തുടരും.” – അൻവർ സാദത്ത് ചോമയിൽ വ്യക്തമാക്കി.