കേരളീയം മാധ്യമ പുരസ്കാരംബഷീർ കൊടിയത്തൂരിന്

കേരളപ്പിറവിയോടനുബന്ധിച്ച് ഡോ. എ.പി.ജെ അബ്ദുൽകലാം സ്റ്റഡി സെൻറർ ഏർപ്പെടുത്തിയ പത്ര പ്രവർത്തന മികവിനുള്ള കേരളീയം മാധ്യമ പുരസ്കാരം ചന്ദ്രിക സീനിയർ സബ് എഡിറ്റർ ബഷീർ കൊടിയത്തൂരിന്. പ്രശസ്തിപത്രവും ഫലകവുമടങ്ങുന്ന പുരസ്കാരം നവമ്പർ ഒന്നിന് ആലുവയിൽ നടക്കുന്ന കേരളപ്പിറവി ആഘോഷ ചടങ്ങിൽ സമ്മാനിക്കും.
മാധ്യമപ്രവർത്തകരായ പി.എം. ഹുസൈൻ ജിഫ്രി തങ്ങൾ, കെ.സി. സ്മിജൻ, പരിസ്ഥിതി പ്രവർത്തകൻ എം.എൻ. ഗിരി, എഴുത്തുകാരൻ കെ.പി. ഹരികുമാർ, സ്റ്റഡിസെന്‍റർ പിആർഒ അനുജ എസ് എന്നിവരടങ്ങിയ ജൂറിയാണ് പുരസ്കാര ജേതാക്കളെ തെരഞ്ഞെടുത്തത്.
കലാ, സാംസ്കാരിക, സാമൂഹിക മേഖലകളിലെ പ്രതിഭകളെയാണ് കേരളീയം പുരസ്കാരം നൽകി ആദരിക്കുന്നത്.
രണ്ടര പതിറ്റാണ്ടായി മാധ്യമരംഗത്ത് സജീവമായ ബഷീർ മാധ്യമം, മംഗളം, തേജസ്, സുപ്രഭാതം പത്രങ്ങളിൽ ജോലി ചെയ്തിട്ടുണ്ട്. കേരള മീഡിയ അക്കാദമിയുടെ മാധ്യമ ഫെല്ലോഷിപ്പ് ജേതാവാണ്.
സൗത്ത് കൊടിയത്തൂരിലെ പരേതരായ കണക്കഞ്ചേരി മുഹമ്മദിൻറെയും ആമിനയുടെയും മകനാണ്.
ഭാര്യ: സാജിത ഐ.എ (ഫാർമസിസ്റ്റ്, ആരോഗ്യ വകുപ്പ്). മക്കൾ: ഹെന്ന സാബി, ഹനാൻ സാബിക്.