ജെ സി ഐ ഇന്ത്യ മേഖല 28 ലെ 50 പരം ശാഖകളിൽ ഏറ്റവും മികച്ച ശാഖയായി ജെ.സി.ഐ തിരൂർ ലെജൻഡ്സ് തിരഞ്ഞെടുക്കപ്പെട്ടു. ദേശീയ പ്രസിഡണ്ട് വിഭാവനം ചെയ്ത, ഏറ്റവും മികച്ച സുസ്ഥിര പദ്ധതിക്കുള്ള പുരസ്കാരവും തുഞ്ചൻപറമ്പിൽ നടപ്പിലാക്കിയ ജലശുദ്ധീകരണ പ്ലാന്റ് പദ്ധതിയിലൂടെ ലെജൻഡ്സ് കരസ്ഥമാക്കി. കൂടാതെ മികച്ച ലോക്കൽ ഓർഗനൈസേഷൻ ഭാരവാഹിയായി റഹൂഫ് കിസാനും തിരഞ്ഞെടുക്കപ്പെട്ടു. പാലക്കാട് ലീഡ് കോളേജ് ഓഫ് മാനേജ്മെന്റിൽ വെച്ചു നടന്ന മേഖലാ സമ്മേളനത്തിൽ ലെജൻഡ്സ് പ്രസിഡണ്ട് രാജീവ് കൊളങ്ങരയും സഹപ്രവർത്തകരും ചേർന്ന് പുരസ്കാരം മേഖലാ പ്രസിഡണ്ട് കെ എസ് ചിത്രയിൽ നിന്ന് ഏറ്റുവാങ്ങി. സമൂഹത്തിൻറെ വിവിധ മേഖലകളിൽ നടത്തിയ ജനോപകാരപ്രദമായ വൈവിധ്യമാർന്ന പരിപാടികൾ കണക്കിലെടുത്തുകൊണ്ടാണ് ഈ പുരസ്കാരം ജെ സി ഐ തിരൂർ ലെജൻഡ്സിന് ലഭിച്ചത്
Leave a Reply