ജനകീയ വില്ലേജ് ഓഫീസർക്ക് ജനകീയ യാത്രയയപ്പ് നൽകി

മംഗലം : വില്ലേജ് ആഫീസിൽ വിവിധ ആവശ്യങ്ങൾക്ക് വരുന്ന നാട്ടുകാരെ നിറപുഞ്ചിരിയോടെ സ്വീകരിച്ച് അവരുടെ ആവശ്യങ്ങൾ കാലതാമസം വരുത്താതെ പരിഹരിച്ചു കൊടുത്ത് കൊണ്ട് ജനങ്ങളുടെ പ്രശംസക് പാത്രമായ ഒരു വില്ലേജ് ഓഫീസറായിരുന്നു നിഷ ശിവാനന്ദൻ. ഒരു വർഷം മുമ്പ് മംഗലത്ത് വന്ന ഇവർക്ക് സ്വന്തം നാട്ടിലേക്ക് മാറ്റം കിട്ടിയപ്പോൾ മംഗലത്തെ പൗരാവലി സമുചിതമായ യാത്രയയപ്പ് നൽകി. ചെണ്ടമേളങ്ങളോടെ ചടങ്ങിലേക്ക് ആനയിച്ചാണ് കൊണ്ടുവന്നത്. യാത്രയയപ്പ് യോഗത്തിൻ്റെ ഉൽഘാനവും ഉപഹാരസമർപ്പണവും തിരൂരിൽ പുതിയതായി ചാർജ് എടുത്ത സബ്‌ കലക്ടർ ദിലീപ് കൈനിക്കര നിർവഹിച്ചു. പഞ്ചായത്ത് പ്രസിഡൻ്റ് സി.പി. കുഞ്ഞുട്ടി അദ്ധ്യക്ഷം വഹിച്ചു. മെമ്പർ ആർ. ബഷീർ സ്വാഗതം പറഞ്ഞു. ചടങ്ങിൽ കെ.പാത്തു മ്മക്കുട്ടി,ഇബ്രാഹിംചേന്നര , കെ.ടി. റാഫി, സുബൈ ദ സഹീർ ,കെ.വി. സുരേന്രൻ, കെ. സലീം, , പി.പി. സൈതാലു , ടി പി മോഹൻ, ആർ. മുഹമ്മദ് ഷാ, സി.പി. അബൂബക്കർ, ടി ശ്രീനിവാസൻ, ആദിൽ മംഗലം, എൻ.ഷാജഹാൻ, വി.എം മജീദ്, എൻ. ഖാദർ തുടങ്ങിയവർ പങ്കെടുത്ത് സംസാരിച്ചു.