എം ഇ എസ് മലപ്പുറം ഓണം സൗഹൃദ സംഗമം സംഘടിപ്പിച്ചു

തിരൂർ :ലോക മലയാളികളുടെ ഗൃഹാതുര ഓർമകൾ ഉണർത്തുന്ന ഓണം വിപുലമായ പരിപാടികളോടെ തിരൂർ തുഞ്ചൻ പറമ്പിൽ എം ഇ എസ് മലപ്പുറം ജില്ലാ കമ്മിറ്റി ആഘോഷിച്ചു.എം ഇ എസ് മലപ്പുറം ജില്ലാ പ്രസിഡന്റ്‌ കെ മുഹമ്മദ്‌ ഷാഫി അധ്യക്ഷത വഹിച്ച ചടങ്ങിൽ തുഞ്ചത്ത് എഴുത്തച്ഛൻ മലയാളം സർവകലാശാല വൈസ് ചാൻസലർ ഡോക്ടർ എൽ സുഷമ ഓണ സന്ദേശം നൽകി ഉദ്ഘാടനം ചെയ്തു. മുൻ വൈസ് ചാൻസലർ ഡോക്ടർ അനിൽ വള്ളത്തോൾ, തിരൂർ സബ് കലക്ടർ ദിലീപ് കെ കൈനിക്കര . എം ഇ എസ് സംസ്ഥാന ട്രെഷറെർ ഒ സി സലാഹുദ്ധീൻ, കെ എസ് ഇ ബി ഡെപ്യൂട്ടി ചീഫ് എഞ്ചിനീയർ സുനിത ജോസ്, അസിസ്റ്റന്റ് എക്സിക്യൂട്ടീവ് എഞ്ചിനീയർ ടൈറ്റസ് തുടങ്ങിയവർ ഓണ സന്ദേശങ്ങൾ നൽകി.തിരൂർ ചെമ്പർ ഓഫ് കോമേഴ്‌സ് പ്രസിഡന്റ്‌ പി എ ബാവ, ഫിറോസ് ബാബു, നാസി റുദ്ധീൻ പൊന്നാനി, ടി വി അബ്ദുറഹിമാൻ കുട്ടി പൊന്നാനി, പി പി അബ്ദുറഹിമാൻ, എം ഇ എസ് സെൻട്രൽ സ്കൂൾ പ്രിൻസിപ്പാൾ വി മധുസൂധനൻ വൈസ് പ്രിൻസിപ്പാൾ പി ടി ബെന്നി, എം ഇ എസ് എഡ്യൂക്കേഷൻ ബോർഡ്‌ ഡയറക്ടർ ബാലകൃഷ്ണൻ, തുഞ്ചൻ ട്രസ്റ്റ്‌ മെമ്പർ അഡ്വക്കേറ്റ് വിക്രമകുമാർ മുല്ലശ്ശേരി, എം ഇ എസ് തിരൂർ താലൂക് പ്രസിഡന്റ്‌ തെയ്യമ്പാട്ടിൽ ഷറഫുദ്ധീൻ, എം ഇ എസ് ജില്ലാ വൈസ് പ്രസിഡന്റ്‌ മദാരി ഷൌക്കത്ത്, എം ഇ എസ് തിരൂർ യൂണിറ്റ് പ്രസിഡന്റ്‌ കെ അബ്ദുൽ ഖാദർ, ഇ പി ഉബൈദുല്ല, കെ കെ റസാഖ് എന്നിവർ ആശംസകൾ നേർന്നു. ജില്ലാ സെക്രെട്ടറി ഉമ്മർ ഗുരിക്കൾ ചടങ്ങിന് നന്ദി പ്രകാശിപ്പിച്ചു