സ്കൂളിൻ്റെ നൂറാം വാർഷികാഘോഷ സംഘാടക സമിതി രൂപീകരണ യോഗം

തലക്കടത്തൂർ നോർത്ത് ( ഓവുങ്ങൽ ) എ.എം.എൽ.പി സ്കൂളിൻ്റെ നൂറാം വാർഷികാഘോഷ സംഘാടക സമിതി രൂപീകരണ യോഗം ചെറിയമുണ്ടം ഗ്രാമ പഞ്ചായത്ത് പ്രസിഡന്റ് കല്ലേരി മൈമൂന യുസഫ് ഉദ്ഘാടനം ചെയ്തു. പി.ടി.എ. പ്രസിഡൻ്റ് പി. ആഷിഖ് ആദ്ധ്യക്ഷ്യം വഹിച്ചു. മലപ്പുറം ജില്ലാ പഞ്ചായത്ത് അംഗം വി .കെ.എം ഷാഫി മുഖ്യാതിഥിയായിരുന്നു. സ്കൂൾ മാനേജർ പാട്ടത്തിൽ കുഞ്ഞിമുഹമ്മദ് , ഗ്രാമ പഞ്ചായത്ത് അംഗം ടി.എ. റഹീം , പ്രധാനാധ്യാപിക വി.പി. മീര മോൾ , കെ. മുഹമ്മദ് കുട്ടി ഹാജി , സി.പി. മാനു, യുസഫ് കല്ലേരി , പി.സൈനുൽ ആബിദ് , പി.പി. സെയ്തലവി , എം.എ. റഫീഖ് , പി. റബീഹ് , പി.പി. അബ്ദുറഹ്മാൻ, പി. ബാബു എന്നിവർ പ്രസംഗിച്ചു. നൂറാം വാർഷികത്തിന്റെ ഭാഗമായി ജനകീയമായി വിവിധയിനം പരിപാടികൾ സംഘാടക സമിതി ആസൂത്രണം ചെയ്യുന്നുണ്ട്. നിരവധി പ്രതിഭകൾ ആദ്യാക്ഷരം കുറിച്ച വിദ്യാലയത്തിൻ്റെ നൂറാം വാർഷികം വിപുലമായ രീതിയിൽ ആഘോഷിക്കാനുള്ള തയ്യാറെടുപ്പിലാണ് നാട്ടുകാർ.