കൊച്ചി: കാക്കനാട് വാഴക്കാലയിൽ ആക്രിക്കടയിൽ തീപിടിത്തം. ജനവാസ മേഖലയിലാണ് വൻ തീപിടിത്തമുണ്ടായത്. പ്രദേശത്ത് നിന്ന് ആളുകളെ ഒഴിപ്പിച്ചു. തൃക്കാക്കരയിൽ നിന്ന് രണ്ട് യൂണിറ്റ് അ​ഗ്നിശമന സേന സ്ഥലത്തെത്തി. തീയണയ്ക്കാനുള്ള ശ്രമങ്ങൾ തുടരുകയാണ്.
ചെമ്പുമുക്കിലുള്ള ആക്രി ​ഗോഡൗണിലാണ് തീപിടിത്തമുണ്ടായത്.

ഫ്രിഡ്ജ്, പെയിന്റ് ബക്കറ്റ് എന്നിവ ഉൾപ്പെടെയുള്ള ആക്രി സാധനങ്ങളും ​ഗോഡൗണിൽ സൂക്ഷിച്ചിരുന്നു. ഇവ പൊട്ടിത്തെറിച്ചു. ഇതിനൊപ്പം കനത്ത പുകയും പരിസരമാകെ വ്യാപിപ്പിച്ചിരിക്കുകയാണ്. സമീപവാസികളെ പ്രദേശത്ത് നിന്ന് ഒഴിപ്പിച്ചിരിക്കുകയാണ്.

വാഹനം എത്തിപ്പെടാൻ സാധിക്കാത്ത സ്ഥലത്താണ് തീപിടിത്തമുണ്ടായത്. അതിനാൽ തന്നെ ഫയർഫോഴ്സ് സംഘത്തിന് പരിസരത്തേക്ക് എത്താൻ സാധിക്കുന്നില്ല. ഇതുമൂലം വലിയ പൈപ്പുകൾ ഉപയോ​ഗിച്ച് വെള്ളം എത്തിച്ചാണ് തീയണയ്ക്കാൻ ശ്രമിക്കുന്നത്. കൂടുതൽ ഫയർഫോഴ്സ് യൂണിറ്റുകൾ സ്ഥലത്തേക്ക് എത്തും.