ന്യൂഡല്ഹി: എഴുത്തുകാരന് എം.ടി വാസുദേവന് നായരുടെ നിര്യാണത്തില് അനുശോചിച്ച് പ്രധാനമന്ത്രി നരേന്ദ്ര മോദി. മലയാള സിനിമയിലും സാഹിത്യത്തിലും ഏറ്റവും ആദരണീയരായ വ്യക്തികളില് ഒരാളായിരുന്നു എംടി വാസുദേവന് നായര് മോദി എക്സില് പറഞ്ഞു.
‘മലയാള സിനിമയിലും സാഹിത്യത്തിലും ഏറ്റവും ആദരണീയരായ വ്യക്തികളില് ഒരാളായിരുന്നു എംടി വാസുദേവന് നായര്. മനുഷ്യവികാരങ്ങളെ ആഴത്തില് പര്യവേക്ഷണം ചെയ്യുന്ന അദ്ദേഹത്തിന്റെ കൃതികള് തലമുറകളെ രൂപപ്പെടുത്തിയിട്ടുണ്ട്. ഇനിയും നിരവധി പേര്ക്ക് പ്രചോദനം നല്കും. നിശബ്ദരും അരികുവല്ക്കരിക്കപ്പെട്ടവരുമായവര്ക്ക് അദ്ദേഹം ശബ്ദം നല്കി. എന്റെ ചിന്തകള് അദ്ദേഹത്തിന്റെ കുടുംബത്തിനും ആരാധകര്ക്കും ഒപ്പമാണ്.
രാഷ്ട്രപതി ദ്രൗപദി മുര്മുവും എം.ടി. വാസുദേവന് നായരുടെ വിയോഗത്തില് അനുശോചനം രേഖപ്പെടുത്തി . അദ്ദേഹത്തിന്റെ നിര്യാണത്തോടെ സാഹിത്യ ലോകം കൂടുതല് ദരിദ്രമായിരിക്കുന്നു എന്ന് ദ്രൗപദി മുര്മു എക്സില് കുറിച്ചു.
Leave a Reply