ന്യൂഡല്ഹി: യമുനാ തീരത്തെ നിഗംബോധ് ഘട്ടില് മുന് പ്രധാനമന്ത്രി മന്മോഹന് സിങിന് അന്ത്യവിശ്രമം. പൂര്ണ ഔദ്യോഗിക ബഹുമതികളോടെയായിരുന്നു സംസ്കാരം. മൂത്തമകള് ചിതയ്ക്ക് തീ കൊളുത്തി. രാവിലെ എഐസിസി ആസ്ഥാനത്ത പൊതുദർശനത്തിന് ശേഷം വിലാപയാത്രയായിട്ടാണ് സംസ്കാരം നടക്കുന്ന യമുനാ തീരത്തെ നിഗംബോധ് ഘട്ടിലേക്ക് മൃതദേഹം കൊണ്ടുപോയത്.
രാഷ്ട്രപതി ദ്രൗപദി മുര്മു, ഉപരാഷ്ട്രപതി ജഗ്ദീപ് ധന്കര്, പ്രധാനമന്ത്രി നരേന്ദ്ര മോദി, സ്പീക്കര് ഓം ബിര്ല, ആഭ്യന്തരമന്ത്രി അമിത് ഷാ, പ്രതിരോധമന്ത്രി രാജ്നാഥ് സിങ്, ലോക്സഭാ പ്രതിപക്ഷ നേതാവ് രാഹുല് ഗാന്ധി, കോണ്ഗ്രസിന്റെ മുതിര്ന്ന നേതാവ് സോണിയാ ഗാന്ധി, മല്ലികാര്ജുന് ഖാര്ഗെ, കേന്ദ്രമന്ത്രിയും ബിജെപി ദേശീയ അധ്യക്ഷനുമായ ജെപി നഡ്ഡ തുടങ്ങി പ്രമുഖ നേതാക്കള് ഉള്പ്പടെ ആയിരങ്ങളുടെ സാന്നിധ്യത്തിലാണ് മന്മോഹന് സിങിന് രാജ്യം വിട നില്കിയത്. ഭൂട്ടാന് രാജാവ് ജിഗ്മെ വാങ്ചുക്, മൗറീഷ്യസ് വിദേശകാര്യമന്ത്രി ധനഞ്ജയ് രാംഫുള് എന്നിവര്ക്ക് അന്ത്യാഞ്ജലി അര്പ്പിക്കാന് നിഗംബോധില് എത്തി.
Leave a Reply