മലപ്പുറം: കണ്ണൂരിൽ നിന്നുള്ള പ്രമുഖ സിപിഎം നേതാവിന്റെ പിന്തുണ തനിക്കുണ്ടെന്ന് പി.വി. അൻവർ. നിലവിൽ സിപിഐഎംനോട്‌ ഒപ്പം നിൽക്കുന്ന ആളുകളും പാർട്ടിയോട് അസംതൃപ്തരായി നിൽക്കുന്ന പല എംഎൽഎമാരും മുൻ എംഎൽഎമാരും  തന്നെ പിന്തുണയ്ക്കുമെന്നും അദ്ദേഹം വാർത്താസമ്മേളനത്തിൽ മാധ്യമങ്ങളോട് പറഞ്ഞു. നേതാക്കന്മാരുമായി നിരന്തരം ആശയവിനിമയം നടക്കുന്നുണ്ട്. പാർട്ടി രൂപീകരിച്ചു ഒരു ഘട്ടം വന്നാൽ അവരും തനിക്ക് പിന്തുണ ലഭിക്കുമെന്നും അദ്ദേഹം പറഞ്ഞു.
എന്നാൽ ആ മുതിർന്ന നേതാവ് പി ജയരാജനോ, ടി പി ജയരാജനോ ആണോ ചോദ്യത്തിന് ആ സാധുക്കൾ ജീവിച്ചു പൊക്കോട്ടെ എന്നാണ് പി വി അൻവർ പ്രതികരിച്ചത്.

അരീക്കോട് എംഎസ്പി ക്യാമ്പിൽ വച്ച്
ഫോൺ ചോർത്തിയെന്ന് ആരോപിച്ച് മഞ്ചേരി പൊലീസ് അൻവറിനെതിരെ കേസെടുത്തിട്ടുണ്ട്.
6ന്  മഞ്ചേരിയിൽ സംഘടിപ്പിക്കുന്ന ജില്ലാ തല രാഷ്ട്രീയ വിശദീകരണ സമ്മേളനവും രാഷ്ട്രീയ പാർട്ടി പ്രഖ്യാപനവും വിപുലമാക്കാനുള്ള നീക്കത്തിലാണ് പി.വി അൻവർ.