ഇന്ത്യന്‍ സിനിമാലോകത്തെ തന്നെ ഏറ്റവും വിലയേറിയ താരം യഷിന്റെ പിറന്നാൾ ദിനത്തിൽ ലോകമെമ്പാടുമുള്ള റോക്കി ഭായ് ആരാധകർക്കായി ടോക്സിക് ബർത്ത്ഡേ പീക്ക് വിഡിയോ പുറത്തുവന്നിരിക്കുകയാണ്. വിഡിയോ പുറത്തുവന്ന് നിമിഷ നേരം കൊണ്ട് തന്നെ സോഷ്യൽ മീഡിയയിൽ വൈറൽ ആയിക്കഴിഞ്ഞു. ഗീതു മോഹൻദാസ് സംവിധാനം ചെയ്യുന്ന ടോക്സിക് ഇതിനോടകം ചർച്ചയിൽ ഇടം പിടിച്ചു കഴിഞ്ഞു.
ഇന്ന് താരത്തിന്റെ 39-ാം പിറന്നാൾ ദിനത്തിൽ പുറത്തുവിട്ട വിഡിയോയുടെ ഏറ്റവും വലിയ ഹൈലൈറ്റ് യഷിന്റെ സ്വാഗ് തന്നെയാണ് . ഒരു മിനിറ്റ് ദൈർഘ്യമുള്ള വിഡിയോയിൽ, വെളുത്ത വസ്ത്രം ധരിച്ച് തലയിൽ തൊപ്പി വച്ച് ഒരു കസിനോയിലേക്ക് പ്രവേശിക്കുന്ന യഷിനെയാണ് കാണാനാവുക. സ്റ്റൈലിഷ് മാസ് എൻട്രി തന്നെയാണ് താരത്തിന്റേത്.
യഷിന്റെ മറ്റൊരു മാസ് കഥാപാത്രം തന്നെ സിനിമയിൽ പ്രതീക്ഷിക്കാം എന്ന് ഉറപ്പ് നൽകുന്നതാണ് വിഡിയോ. റോക്കി ഭായ്ക്കും മുകളിലാകുമോ ടോക്സിക്കിലെ കഥാപാത്രം എന്നാണ് ആരാധകർ ഉറ്റു നോക്കുന്നത്. ഹാപ്പി ബർത്ത് ഡേ റോക്കിങ് സ്റ്റാർ എന്നും വിഡിയോയുടെ അവസാനം യഷിന് ആശംസ നേർന്ന് കൊടുത്തിട്ടുണ്ട്. ‘മൂത്തോൻ’ എന്ന ചിത്രത്തിന് ശേഷം ഗീതു മോഹൻദാസ് സംവിധാനം ചെയ്യുന്ന ചിത്രമാണ് ടോക്സിക്- എ ഫെയറി ടെയിൽ ഫോർ ഗ്രോൺ-അപ്സ്.
കെജിഎഫ് ഫ്രാഞ്ചൈസിക്ക് ശേഷം യഷിന്റേതായി പുറത്തിറങ്ങുന്ന സിനിമ എന്നതിനാൽ തന്നെ സിനിമയുടെ മേൽ വലിയ ഹൈപ്പാണുള്ളത്. ഗീതു മോഹൻദാസ് എന്ന സംവിധായികയുടെ പേരും ഒപ്പം ചേരുന്നതിനാൽ മലയാള സിനിമാ പ്രേമികൾക്ക് ഈ ചിത്രത്തിൽ ഇരട്ടി പ്രതീക്ഷയുമുണ്ട്.
Leave a Reply