തൃശൂർ: കുട്ടികളിലെ മാനസികസമ്മര്‍ദ്ദം ലഘൂകരിക്കാനായി കേരള പോലീസിന്റെ ‘ചിരി’ പദ്ധതി. ശിശുദിനത്തോടനുബന്ധിച്ച് കേരളാപൊലീസിന്റെ ഫേസ്ബുക് പോസ്റ്റിലൂടെയാണ് പദ്ധതിയെ കുറിച്ചുള്ള വിവരങ്ങൾ പങ്കുവച്ചത്.
ചിരിയുടെ 9497900200 എന്ന ഹെല്‍പ് ലൈന്‍ നമ്പരിലേക്ക് കുട്ടികള്‍ക്ക് മാത്രമല്ല അധ്യാപകരും മാതാപിതാക്കളും കുട്ടികളുടെ പ്രശ്‌നങ്ങളുമായി വിളിക്കാമെന്നും കേരള പൊലീസ് സാമൂഹിക മാധ്യമത്തില്‍ പങ്കുവെച്ച കുറിപ്പില്‍ പറയുന്നു.
എന്നാൽ പോസ്റ്റിനോടൊപ്പം പങ്കുവച്ച ചിത്രമാണ് ഇപ്പോൾ ഫേസ്ബുക്കിൽ വൈറൽ ആവുന്നത്. കഴിഞ്ഞ ദിവസം സൂപ്പര്‍ ലീഗ് കേരള മത്സരത്തിനു ശേഷം പൃഥ്വിരാജിന്റേയും ബേസിലിന്റെയും വൈറലായ ഒരു വീഡിയോയുടെ ഫോട്ടോ ഉപയോഗിച്ചാണ് കേരള പൊലീസ് കുറിപ്പ് പങ്കുവച്ചത്.
സ്റ്റേഡിയത്തില്‍ സൂപ്പര്‍ ലീഗ് കേരളയുടെ ഉദ്ഘാടന പതിപ്പിന്റെ ഫൈനല്‍ വേദിയില്‍ നടന്ന സംഭവം ബേസിലിനെ സോഷ്യല്‍മീഡിയയില്‍ ട്രോളുകള്‍ക്കിടയായ്ക്കിയിരുന്നു. കേരള പോലീസ് പങ്കുവെച്ച ചിത്രത്തിന് താഴെ രസകരമായ കമന്റുകൾ ആണ് ആളുകൾ ഇട്ടിരിക്കുന്നത്.
Leave a Reply