മലപ്പുറം: മുതിര്‍ന്ന പത്രപ്രവര്‍ത്തകനും, മുന്‍ മലപ്പുറം നഗരസഭാംഗവും, സീനിയര്‍ ജര്‍ണ്ണലിസ്റ്റ്സ് ഫോറം ജില്ലാ ജോ.സെക്രട്ടറിയുമായിരുന്ന ഷെരീഫ് മണ്ണിശ്ശേരിയെ മലപ്പുറം പ്രസ്ക്ലബ്ബില്‍ ചേര്‍ന്ന മലപ്പുറം ജില്ലാ കമ്മിറ്റിയോഗം അനുസ്മരിച്ചു. പ്രസിഡന്‍റ് വീക്ഷണം മുഹമ്മദ് ആദ്ധ്യക്ഷ്യം വഹിച്ചു. മലപ്പുറം പ്രസ്ക്ലബ്ബ് സ്ഥാപകരില്‍ ഒരാളും കെ യു ഡബ്ലിയു ജെ സമരങ്ങളില്‍ മുന്നില്‍ നിന്നു പ്രവര്‍ത്തിച്ച നേതാവുമായിരുന്നു ഷെരീഫ് മണ്ണിശ്ശേരിയെന്ന് പ്രസിഡന്‍റ് വീക്ഷണം മുഹമ്മദ് പറഞ്ഞു.
സി രാജന്‍, കെ പി ഒ റഹ്മത്തുള്ള, പി ബാലകൃഷ്ണന്‍ എന്നിവരും ഷെരീഫ് മണ്ണിശ്ശേരിയെ അനുസ്മരിച്ചു സംസാരിച്ചു.
തൃശൂരില്‍ നടക്കുന്ന ഫോറം സംസ്ഥാന സമ്മേളനം വിജയിപ്പിക്കാന്‍ യോഗം തീരുമാനിച്ചു. സംസ്ഥാന കമ്മിറ്റി തീരുമാനങ്ങള്‍ സെക്രട്ടറി എന്‍ വി. മുഹമ്മദ് അലി റിപ്പോര്‍ട്ട് ചെയ്തു. മുന്‍ ജില്ലാ കമ്മിറ്റിയുടെയും ജനറല്‍ ബോഡിയുടെയും റിപ്പോര്‍ട്ടും സെക്രട്ടറി അവതരിപ്പിച്ചു.
വരവുചെലവു കണക്ക് ട്രഷറര്‍ സി എം അലി അവതരിപ്പിച്ചു. ചര്‍ച്ചയില്‍ സി രാജന്‍, സിദ്ദീഖ് പെരിന്തല്‍മണ്ണ, സലിം ഐദിദ് തങ്ങള്‍, പി ബാലകൃഷ്ണന്‍, കെ പി ഒ റഹ്മത്തുള്ള പങ്കെടുത്തു. മലപ്പുറം പ്രസ്ക്ലബ്ബ് സ്ഥാപകനും, ഫോറം ജില്ലാ പ്രസിഡന്‍റുമായിരുന്ന പാലോളി കുഞ്ഞുമുഹമ്മദിന്‍റെ പേരില്‍ പത്രപ്രവര്‍ത്തകര്‍ക്ക് അവാര്‍ഡ് നല്‍കാന്‍ തീരുമാനിച്ച മലപ്പുറം പ്രസ്ക്ലബ്ബിനെ ഫോറം അഭിനന്ദിച്ചു. സി എം അലി നന്ദി പറഞ്ഞു.
Leave a Reply