ആലത്തിയൂർ സ്കൂളിൽ വൈ.ഐ.പി ക്ലബ്ബ് രൂപീക
കേരളത്തിലെ പൊതുവിദ്യാലയങ്ങളിൽ കെ-ഡിസ്ക്, സമഗ്ര ശിക്ഷാ കേരളവുമായി സഹകരിച്ച് സംഘടിപ്പിക്കുന്ന YIP-ശാസ്ത്രപഥം പരിപാടിയുടെ പ്രവർത്തനങ്ങൾ വിപുലമാക്കുന്നതിനും നിലവാരമുയർത്തുന്നതിനുമായി യൂണിസെഫുമായി സഹകരിച്ച് നടപ്പിലാക്കുന്ന പ്രവർത്തനം ആണ് YIP ക്ലബ്.
വൈ ഐ പി ക്ലബ്ബ് മലപ്പുറം ജില്ലയിൽ ആരംഭിക്കുന്നതിന്റെ ഭാഗമായി തിരഞ്ഞെടുക്കപ്പെട്ട 10 സ്കൂളുകളിൽ ഒന്നാണ് ആലത്തിയൂർ കെ.എച്ച്. എം. എച്ച് എസ്.
YIP ക്ലബ്ബിന്റെ ഉത്ഘാടനം പി ടി എ പ്രസിഡന്റ്‌ എൻ അബ്ദുൽ ഗഫൂർ നിർവഹിച്ചു. പ്രധാനാധ്യാപിക എം .ബിന്ദു അധ്യക്ഷത വഹിച്ചു. സോണിയ സി വേലായുധൻ മുഖ്യ പ്രഭാഷണം നടത്തി. ഇതേ സ്കൂളിലെ വൈ ഐ.പി സംസ്ഥാന തല ജേതാക്കളായ എം. മുഹമ്മദ്‌ സിമാൽ, കെ.ദീപു, സി.ദിൽഫ മുഖ്യാതിഥികളായി. ഇവർക്കുള്ള സർട്ടിഫിക്കറ്റ് വിതരണവും ചടങ്ങിൽ നടന്നു. വൈ.ഐ.പി കോർഡിനേറ്റർ കെ വി ഷൗക്കത്ത് സ്വാഗതവും സ്കൂൾ ലീഡർ വി പി ആര്യ നന്ദിയും പറഞ്ഞു. എസ് ആർ ജി കൺവീനർ ബിനീഷ്, വൈ.ഐ.പി ഹയർ സെക്കന്ററി കൺവീനർ പി കെ രാജേഷ് തുടങ്ങിയവർ സംസാരിച്ചു.
Leave a Reply