പാലക്കാട്ട് കോൺഗ്രസിൽ നിന്നും വീണ്ടും രാജി

പാലക്കാട്: പാലക്കാട് കോൺ​ഗ്രസിൽ നിന്നും വീണ്ടും രാജി. ദളിത് കോൺഗ്രസ് പിരായിരി മണ്ഡലം പ്രസിഡൻ്റ് കെ എ സുരേഷ് ആണ് പാർട്ടി വിടുമെന്ന് പറഞ്ഞത്. ഷാഫിയുടെ ഏകാധിപത്യ നിലപാടിൽ പ്രതിക്ഷേധിച്ചാണ് സുരേഷിന്റെ നടപടിയെന്നാണ് ആക്ഷേപം. സുരേഷ് ഇന്ന് സിപിഎം ജില്ല സെക്രട്ടറിയെ കാണുമെന്നാണ് റിപ്പോർട്. പാലക്കാട്ടെ ഇടതു സ്ഥാനാർത്ഥി പി സരിന് വേണ്ടി പ്രവർത്തിക്കുമെന്ന് സുരേഷ് വ്യക്തമാക്കി. ഷാഫിക്കൊപ്പം നിൽക്കുന്നവർക്ക് മാത്രമാണ് പാർട്ടിയിൽ പരി​ഗണനയെന്ന് സുരേഷ് ആരോപിച്ചു.