തെന്നിന്ത്യന്‍ സിനിമാലോകം ഒരുപോലെ ഏറ്റെടുത്ത ചിത്രങ്ങളിലൊന്നാണ് അലൈ പായുതേ. മാധവനും ശാലിനിയും തമ്മിലുള്ള സ്‌ക്രീന്‍ കെമിസ്ട്രിക്ക് ഗംഭീര സ്വീകാര്യതയായിരുന്നു ലഭിച്ചത്. മണിരത്‌നം തിരക്കഥയൊരുക്കി സംവിധാനം ചെയ്ത ചിത്രത്തിലെ ഗാനങ്ങളും ശ്രദ്ധിക്കപ്പെട്ടിരുന്നു. പ്രണയിച്ച് വിവാഹിതരായ കാര്‍ത്തിക്കിന്റെയും ശക്തിയുടെയും കഥയായിരുന്നു ചിത്രം പറഞ്ഞത്. ഇപ്പോൾ ആരാധകരെ ഒന്നടങ്കം ആവേശത്തിലാക്കിക്കൊണ്ട് മാധവനൊപ്പമുള്ള സെൽഫി പങ്കുവച്ചിരിക്കുകയാണ് ശാലിനി.
അലൈപ്പായുതേയിലെ ഹിറ്റ് ഗാനമായ എന്‍ട്രെട്രും പുന്നഗൈ എന്ന അടിക്കുറിപ്പിലാണ് മാധവനൊപ്പമുള്ള സെൽഫി ശാലിനി പോസ്റ്റ് ചെയ്തത്. പിന്നാലെ നിരവധി കമന്റുകളാണ് പോസ്റ്റിന് താഴെ വരുന്നത്. 24 വര്‍ഷങ്ങള്‍ക്ക് ശേഷം തങ്ങളുടെ പ്രിയപ്പെട്ട കാര്‍ത്തിയെയും ശക്തിയെയും ഒന്നിച്ചു കണ്ടതിന്റെ സന്തോഷത്തിലാണ് ആരാധകർ.
ചിത്രത്തിന്റെ രണ്ടാം ഭാഗം വേണമെന്ന ആവശ്യവുമായും നിരവധി പേരാണ് എത്തുന്നത്. ഇവരേക്കാൾ മികച്ച പ്രണയജോഡിയെ ഇതുവരെ കണ്ടെത്താൻ പറ്റിയില്ലെന്നും കമന്റുകളുണ്ട്. അജിത്തുമായുള്ള വിവാഹശേഷം അഭിനയരംഗത്ത് നിന്നും പൂർണമായി വിട്ടു നിൽക്കുകയാണ് ശാലിനി.
Leave a Reply