ചെന്നൈ: രാഷ്ട്രീയത്തിലേക്കിറങ്ങിയ തന്റെ സുഹൃത്ത് വിജയ്‌ക്ക് ആശംസ അറിയിച്ച് സൂപ്പർ സ്റ്റാറുകൾ. സൂര്യ, ശിവകാർത്തികേയൻ, സംവിധായകൻ കാർത്തിക് സുബ്ബരാജ്, വിജയ് സേതുപതി, നടനും തമിഴ് നാട് ഉപമുഖ്യമന്ത്രിയുമായ ഉദയനിധി സ്റ്റാലിൻ തുടങ്ങിയവരാണ് വിജയ്ക്കു ആശംസകൾ അർപ്പിച്ചു മുൻപോട്ട് വന്നത്.
‘തന്റെ സുഹൃത്ത് പുതു വഴി തേടി, പുതിയ യാത്ര ആരംഭിക്കുകയാണ്. അദ്ദേഹത്തിന്റെ വരവ് നന്നായി വരട്ടെ’യെന്നും സൂര്യ ആശംസകൾ നേർന്നു
ഇന്ന് തുടക്കമാകുന്നു പുതിയ യാത്രയ്ക്ക് എന്റെ ഹൃദയം നിറഞ്ഞ വാഴ്ത്തുകൾ’ എന്നാണ് ശിവകാർത്തികേയൻ സോഷ്യൽ മീഡിയയിൽ കുറിച്ചിരിക്കുന്നത്.
പുതിയ തുടക്കത്തിന് എല്ലാ വിധ പിന്തുണയും അറിയിക്കുന്നുവെന്ന് സംവിധായകൻ കാർത്തിക് സുബ്ബരാജും സോഷ്യൽ മീഡിയയിൽ പോസ്റ്റ് പങ്കിട്ട് അറിയിച്ചിരുന്നു.
വിജയ് സേതുപതി, വെങ്കട് പ്രഭു, പ്രേം കുമാർ, അർച്ചന കൽ‌പാത്തി, തുടങ്ങി നിരവധി പേരാണ് നടന് ആശംസകൾ അറിയിച്ചിരിക്കുന്നത്. എന്നാൽ നടനും തമിഴ്നാട് ഉപമുഖ്യമന്ത്രിയുമായ ഉദയനിധി സ്റ്റാലിന്റെ ആശംസകളാണ് ഏവരും ഉറ്റുനോക്കുന്നത്.
“വിജയ് എൻ്റെ ദീർഘകാല സുഹൃത്താണ്. എനിക്ക് ചെറുപ്പം മുതൽ അറിയാവുന്ന ആളാണ് അദ്ദേഹം. എൻ്റെ ആദ്യ സിനിമ അദ്ദേഹത്തോടൊപ്പമാണ് ഞാൻ നിർമ്മിച്ചത്. വിജയ്‌യുടെ പുതിയ പാർട്ടിക്ക് ആശംസകൾ,’
കഴിഞ്ഞ 75 വർഷത്തിനിടെ നിരവധി പാർട്ടികൾ വന്നുപോകുന്നുണ്ടെന്നും, ആർക്കു വേണമെങ്കിലും പാർട്ടിയുണ്ടാക്കാൻ സ്വാതന്ത്ര്യം ഉണ്ടെന്നും’ ഉദയനിധി പറഞ്ഞു. ജനങ്ങളാണ് ഏതു പാർട്ടിയെ പിന്തുണയ്ക്കണം എന്ന് തീരുമാനിക്കുന്നതെന്നും ഉദയനിധി സ്റ്റാലിൻ പറഞ്ഞു.
തന്റെ പാർട്ടി സമ്മേളനത്തിൽ ഡിഎംകെയെ വിജയ് നിശിതമായി എതിർത്തിരുന്നു. ഡിഎംകെ രാഷ്ട്രീയ എതിരാളിയെന്നാണ് വിജയ് സമ്മേളനത്തിൽ പ്രഖ്യാപിച്ചത്.
Leave a Reply