തിരൂർ : തലക്കടത്തൂർ നോർത്ത് ( ഓവുങ്ങൽ ) എഎംഎൽപി സ്കൂൾ നൂറാം വാർഷികാഘോഷത്തിൻ്റെ ലോഗോ ചെറിയമുണ്ടം ഗ്രാമ പഞ്ചായത്ത് പ്രസിഡന്റ് കല്ലേരി മൈമൂന യൂസഫ് സ്കൂൾ മാനേജർ പാട്ടത്തിൽ കുഞ്ഞിമുഹമ്മദിന് നൽകി പ്രകാശനം ചെയ്തു. ലോഗോ തയ്യാറാക്കിയ അസ്‌ലം തിരൂരിന് തിരൂർ സബ് കളക്ടർ ദിലീപ് കെ കൈനിക്കര ഐ എ എസ് ഉപഹാരം നൽകി.
പി ടി എ പ്രസിഡൻ്റ് പി. ആഷിഖ് ആദ്ധ്യക്ഷ്യം വഹിച്ചു. ഡോ. സുലൈമാൻ മേൽപ്പത്തൂർ മുഖ്യ പ്രഭാഷണം നടത്തി. ചെറിയമുണ്ടം ഗ്രാമ പഞ്ചായത്ത് അംഗം ടി.എ. റഹീം , സ്കൂൾ പ്രധാനാധ്യാപിക വി.പി മീരാ മോൾ, ജുനൈസ് ബാബു പാട്ടത്തിൽ , പി. കോമുകുട്ടി , പി.സി സജികുമാർ, പി.പി അബ്ദുറഹ്മാൻ എന്നിവർ സന്നിഹിതരായിരുന്നു.
2025 ഫെബ്രുവരി 15 , 16 തിയ്യതികളിൽ വൈവിധ്യമാർന്ന പരിപാടികളോടെയാണ് നൂറാം വാർഷികാഘോഷം സംഘടിപ്പിക്കുന്നത്.
Leave a Reply