എ.പി അഫ്സൽ റഹ്മാനെ ആദരിച്ചു

തിരൂർ : വാഴ സിനിമയിലെ പാട്ട് പാടി സമൂഹ മാധ്യമങ്ങളിൽ താരമായി മാറിയ തലക്കടത്തൂർ – തറയിൽ സ്വദേശിയായ എ.പി അഫ്സൽ റഹ്മാനെ ചെറിയമുണ്ടം ഗ്രാമ പഞ്ചായത്ത് ഭരണസമിതി ഉപഹാരം നൽകി ആദരിച്ചു.

ഭിന്നശേഷിക്കാരുടെ കൂട്ടായ്മയായ തിരൂർ കിങ് ഷിപ്പ് സംഘടിപ്പിച്ച ഓണാഘോഷ പരിപാടിയിൽ പങ്കെടുത്ത് അഫ്സൽ പാടിയ ഈ പാട്ട് വൈറലായി മാറിയ സാഹചര്യത്തിൽ എഴുപത് ലക്ഷത്തിലധികം പേരാണ് ഇതിനകം കണ്ടത് . ചെറിയമുണ്ടം ഗ്രാമ പഞ്ചായത്ത് പ്രസിഡന്റ് കല്ലേരി മൈമൂന ഉപഹാരം നൽകി. ആദരം ചടങ്ങിൽ സ്ഥിരം സമിതി അധ്യക്ഷൻമാരായ റജീന ലത്തീഫ് , ഐ.വി. സമദ് , അംഗങ്ങളായ എൻ എ നസീർ , ടി.എ. റഹീം , രാധാ രാജൻ , ശംസിയ്യ , നസീമ റഷീദ് , ബീന , ടി. ഇബ്രാഹീം കുട്ടി , സരിത, എം മുനീറുന്നീസ , ഒ സെയ്താലി , സെക്രട്ടറി ടി.കെ ബാബു, മുൻ ഗ്രാമ പഞ്ചായത്ത് പ്രസിഡന്റ് എം. എ റഫീഖ് , ഹഫീസ് ഇ.കെ , അസ്‌ലം വാണിയന്നൂർ , പഞ്ചായത്ത് ജീവനക്കാരായ ജാഫർ പി.കെ , സുഗതൻ എന്നിവർ സംബന്ധിച്ചു.