ചേലക്കര: പങ്ങാരപ്പിള്ളിയുടെ വിദ്യാഭ്യാസ സാംസ്കാരിക മേഖലകളിൽ മികച്ച പ്രവർത്തനം കാഴ്ചവെച്ച പങ്ങാരപ്പിള്ളി സെൻ്റ് ജോസഫ്സ് ഹൈസ്കൂളിലെ പ്രഥമ പ്രധാന അധ്യാപകനായിരുന്ന ഫാദർ പോൾ പുല്ലന്റെ സ്മരണ നിലനിർത്തുന്നതിനായി രൂപീകരിച്ച സ്മാരക ട്രസ്റ്റിന്റെ ഉദ്ഘാടനവും , അനുസ്മരണ യോഗവും , പൂർവ്വ വിദ്യാർത്ഥി സംഗമവും 13 ന് ഞായറാഴ്ച നടക്കും. പങ്ങാരപ്പിള്ളി സെന്റ് ജോസഫ്സ് സ്കൂളിൽ ഉച്ചയ്ക്ക് 3.30 ന് നടക്കുന്ന അനുസ്മരണ സമ്മേളനം കവി മുരുകൻ കാട്ടാക്കട ഉദ്ഘാടനം ചെയ്യും. സ്കൂൾ മാനേജർ ജോയ് വൈദ്യക്കാരൻ സിഎംഐ അധ്യക്ഷത വഹിക്കും. അക്കാദമിക് ചെയറിന്റെ ഉദ്ഘാടനം എച്ച്.എം. ബീന മാത്യു നിർവ്വഹിക്കും. പൂർവ്വ വിദ്യാർത്ഥിയും , കൂത്തുപറമ്പ് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റു കൂടിയായ കെ.യു. പ്രദീപ് ലോഗോ പ്രകാശനം ചെയ്യും. പൂർവ്വകാല അധ്യാപകരും ചടങ്ങിൽ പങ്കെടുക്കും. ബാച്ച് തിരിച്ചുള്ള പൂർവ്വ വിദ്യാർത്ഥി സംഗമവും നടക്കും. വിവിധ മേഖലകളിൽ വ്യക്തിമുദ്ര പതിപ്പിച്ച പൂർവ്വ വിദ്യാർത്ഥികൾ ഫാദർ പോൾ പുല്ലനെ അനുസ്മരിക്കുമെന്ന് സംഘാടകസമിതി ചെയർമാൻ പി.എസ്.സുബ്രഹ്മണ്യൻ, എം.എം. അബ്ബാസ്, അഗസ്റ്റിൻ, സുരേഷ് ആന്റണി, സിന്ധു സുകുമാരൻ , ശ്രീനാഥ് ശിവ എന്നിവർ പത്രസമ്മേളനത്തിലറിയിച്ചു.
Leave a Reply