അധ്യാപക ദിനത്തിൽ അബ്ദുൾ ജബ്ബാർ മാസ്റ്ററെ ആദരിച്ചു

ദേശീയ അധ്യാപക ദിനാഘോഷത്തിൻ്റെ ഭാഗമായി തിരൂർ സാംസ്കാരിക വേദി വെട്ടം പി.കെ. അബ്ദുൾ ജബ്ബാർ മാസ്റ്ററെ ആദരിച്ചു. ആലത്തിയൂർ കെ. എച്ച്. എം എച്ച് എസ് സ്കൂളിൽ 24 വർഷം അധ്യാപകനായും 6 വർഷം പ്രധാനാധ്യാപകനായും 5 വർഷക്കാലം വെട്ടം ഗ്രാമ പഞ്ചായത്ത് അംഗമായും സ്തുത്യർഹമായ സേവനം ചെയ്ത പി.കെ. അബ്ദുൾ ജബ്ബാർ മാസ്റ്റർ പൊതുരംഗത്ത് എല്ലാ മേഖലകളിലും നിറഞ്ഞ് നിൽക്കുന്ന വ്യക്തിത്വമാണ്. തിരൂർ സാംസ്കാരിക വേദിയുടെ ഉപഹാരം പി.പി. അബ്ദുള്ള ജബ്ബാർ മാസ്റ്റർക്ക് സമ്മാനിച്ചു. റസാഖ് ആലത്തിയൂർ പൊന്നാട അണിയിച്ചു. തിരൂർ സാംസ്കാരിക വേദി പ്രസിഡണ്ട് എം എ റഫീഖ് ആദ്ധ്യക്ഷ്യം വഹിച്ചു. ഇ.കെ. മുഹ്തസിം ബില്ലാഹ്, കെ.എം. നൗഫൽ , നൗഷാദ് അന്നാര , കരീം വെട്ടം , ആലത്തിയൂർ കെ. എച്ച്.എം എച്ച് എസ് സ്കൂളിലെ പി.ടി.എ പ്രസിഡൻ്റ് ടി.എൻ ഷാജി, ടി.പി റഷീദ് , ടി.പി . സുബൈർ , പി.കെ. ബഷീർ , പി.പി. ജാബിർ പ്രസംഗിച്ചു. പി.കെ. അബ്ദുൾ ജബ്ബാർ മാസ്റ്റർ മറുപടി പ്രസംഗം നടത്തി. ഫോട്ടോ അടിക്കുറിപ്പ്: ദേശീയ അധ്യാപക ദിനത്തിൽ തിരൂർ സാംസ്കാരിക വേദിയുടെ ഉപഹാം വെട്ടം പി.കെ. അബ്ദുൾ ജബ്ബാർ മാസ്റ്റർക്ക് പി.പി. അബ്ദുള്ള നൽകുന്നു.