ഐ.എൻ.എലിൽ ഐക്യം: നിലപാട് സ്വാഗതാർഹം: എൻ.വൈ.എൽ

സ്വാർത്ഥ താല്പര്യങ്ങൾക്ക് വേണ്ടി പാർട്ടിയെ ബലി കഴിക്കാതെ ആദർശ രാഷ്ട്രീയമുയർത്തിപ്പിടിച്ചു പ്രവർത്തിക്കുന്നവരുടെ നിലപാടിനെ അംഗീകരിച്ച ദേവർകോവിൽ – കാസിം വിഭാഗം യുവജന നേതാക്കളുടെ തിരിച്ചറിവ് പ്രശംസനീയമാണെന്ന് നാഷണൽ യൂത്ത് ലീഗ് (വഹാബ് വിഭാഗം) സംസ്ഥാന കമ്മിറ്റി പ്രസ്താവിച്ചു. ഇടതുമുന്നണിയിൽ ഘടകകക്ഷി എന്ന പരിഗണന ലഭിക്കാതെ പോകുന്നതിന് പാർട്ടിയിലെ പിളർപ്പ് കാരണമായെന്ന വിലയിരുത്തൽ ശരിയാണ്. മുൻ കാലങ്ങളിൽ നിന്ന് വ്യത്യസ്തമായി പാർട്ടിയിൽ ഐക്യം സാധ്യമാക്കണമെന്ന ആത്മാർത്ഥമായ ആവശ്യത്തെ പൂർണ്ണമായും സ്വാഗതം ചെയ്യുന്നു, ഐക്യ ശ്രമങ്ങൾക്ക് പിന്തുണ നൽകുന്നുവെന്നും നേതാക്കൾ പറഞ്ഞു.