റെയിൽവേ അടിപ്പാത: റെയ്ൽവേയ്ക്ക് എട്ട് ലക്ഷം അനുവദിച്ചു

കല്ല്യാശ്ശേരി നിയോജകമണ്ഡലത്തിലെ പഴയങ്ങാടി റെയിൽവേ അടിപ്പാത യാഥാ‍ർത്ഥ്യമാകുന്നു. അടിപാതയ്ക്ക് പദ്ധതിരേഖ തയ്യാറാക്കാൻ സംസ്ഥാന സ‍ർക്കാർ എട്ട് ലക്ഷം രൂപ റെയിൽവേയ്ക്ക് അനുവദിച്ചതായി പൊതുമരാമത്ത് മന്ത്രി പി എ മുഹമ്മദ് റിയാസ് അറിയിച്ചു. സംസ്ഥാന ബജറ്റിൽ അടിപ്പാതയ്ക്കായി ആറ് കോടി രൂപ നേരത്തെ അനുവദിച്ചിരുന്നു. ജനങ്ങളുടെ പ്രധാന ആവശ്യം പരിഗണിച്ച് അടിപ്പാത വേഗത്തിൽ നടപ്പിലാക്കുന്നതിന് നടപടി സ്വീകരിക്കുമെന്ന് എം വിജിൻ എം എൽ എ അറിയിച്ചു