സി എച്ച് സെൻറർ ഉന്നത വിജയം നേടിയ വിദ്യാർത്ഥികളെ ആദരിച്ചു

തിരൂർ: പഞ്ചാരമൂല സി എച്ച് സെൻറർ വിവിധ പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിച്ചു.
ചക്കരമൂല ഉമറുൽ ഫാറൂഖ് മദ്റസയിൽ ചേർന്ന ആദരവ് സമ്മേളനം നിറമരുതൂർ ഗ്രാമ പഞ്ചായത്ത് പ്രസിഡണ്ട് ഇസ്മായിൽ പുതുശ്ശേരി ഉദ്ഘാടനം ചെയ്തു.
സി എച്ച് സെൻറർ പ്രസിഡണ്ട് കെ ടി ഉസ്മാൻ മാസ്റ്റർ അധ്യക്ഷത വഹിച്ചു. കീഴ്ശ്ശേരി എ. ഇ ഒ പ്രമോഷൻ ലഭിച്ച എം കെ ഫൗസി മാസ്റ്റർ, കൂട്ടായി എം എം എച്ച് എസ് എസ് പ്രിൻസിപ്പൾ ആയി പ്രമോഷൻ ലഭിച്ച സി കെ കാസിം മാസ്റ്റർ എന്നിവർക്ക് പുറമേ നീറ്റ്,എസ്എസ്എൽസി, പ്ലസ് ടു,യുഎസ്എസ് പരീക്ഷകളിൽ വിജയം നേടിയ പതിനഞ്ചോളം വിദ്യാർത്ഥികളെയാണ് ആദരിച്ചത്.
പഞ്ചായത്ത്‌ മെമ്പർ വി ഇ എം ഇക്ബാൽ, പി എ റഷീദ്, കെ പി ഒ റഹ്മത്തുള്ള, പി പി അബ്ദുറഹ്മാൻ, വി ഇ എം ആസാദ്, സി പി മുഹമ്മദ്‌, സജ്‌ന ടീച്ചർ, ഫാത്തിമ മർവ, സി കെ പി അക്ബർ എന്നിവർ സംസാരിച്ചു.