തെരഞ്ഞെടുപ്പ് തോൽവിയിൽ തൃശൂര് കോണ്ഗ്രസിലെ പോസ്റ്റര് പ്രതിഷേധം വീണ്ടും. മുന് എംപി ടി എന് പ്രതാപനെതിരെ ഡിസിസി ഓഫീസന്റെ മതിലിലും പ്രസ് ക്ലബ് പരിസരത്തുമാണ് പോസ്റ്ററുകൾ പതിച്ചിരിക്കുന്നത്. ‘പ്രതാപന് കോണ്ഗ്രസിനെയും അണികളെയും വഞ്ചിച്ചു, പാര്ട്ടിയെ ഒറ്റുകൊടുത്ത ആര്എസ്എസ് സംഘപരിവാര് ഏജന്റാണ് ടി എന് പ്രതാപന്’ തുടങ്ങിയ കാര്യങ്ങളും പോസ്റ്ററിലൂടെ ആരോപിക്കുന്നു. തെരഞ്ഞെടുപ്പ് നടക്കുമ്പോൾ ടി എൻ പ്രതാപൻ ഗൾഫ് ടൂർ നടത്തി ബിനാമി കച്ചവടങ്ങൾ നടത്തിയെന്നാണ് ആരോപണം. സേവ് കോണ്ഗ്രസ് ഫോറത്തിന്റെ പേരിലാണ് പോസ്റ്ററുകൾ പതിച്ചിരിക്കുന്നത്. തൃശൂരിലെ കോണ്ഗ്രസ് സ്ഥാനാര്ത്ഥിയുടെ പരാജയത്തില് പ്രതാപനെതിരെ അച്ചടക്ക നടപടിയെടുക്കണമെന്നാണ് ആവശ്യം. തെരഞ്ഞെടുപ്പ് തോല്വില് കെപിസിസി നിയോഗിച്ച അന്വേഷണ കമ്മീഷന് സിറ്റിംഗ് ഇന്ന് നടക്കാ
നിരിക്കെയാണ് പോസ്റ്റര് പ്രത്യക്ഷപ്പെട്ടത്. പരസ്യപ്രതികരണങ്ങള് നടത്തുന്നതിനും ഡിസിസി മതിലില് പോസ്റ്റര് ഒട്ടിക്കുന്നതും ഡിസിസിയുടെ താല്ക്കാലിക അധ്യക്ഷനായി വി ശ്രീകണ്ഠന് എം പി ചുമതലയേറ്റതിന് പിന്നാലെ നിര്ദേശം നല്കിയിരുന്നു. എന്നാൽ ഇത് തള്ളിയാണ് ഡിസിസി മതിലിൽ തന്നെ പോസ്റ്ററുകൾ പതിച്ചിരിക്കുന്നത്. കെ മുരളീധരന്റെ തോൽവിയിൽ ഡിസിസി പ്രസിഡന്റ് ജോസ് വള്ളൂർ, തെരഞ്ഞെടുപ്പ് ചുമതലയുണ്ടായിരുന്ന ടിഎൻ പ്രതാപൻ, അനിൽ അക്കര, യു.ഡി.എഫ് ചെയർമാൻ എംപി വിൻസെന്റ് എന്നിവർക്കെതിരെ ആയിരുന്നു ആരോപണങ്ങൾ. തെരഞ്ഞെടുപ്പ് പ്രവർത്തനങ്ങളിൽ വീഴ്ചയുണ്ടായെന്ന് കെപിസിസി, എഐസിസിയും പ്രാഥമിക വിലയിരുത്തലിൽ തന്നെ കണ്ടെത്തിയിരുന്നു. ഇതേ തുടർന്ന് ജോസ് വള്ളൂരിനോടും എംപി വിൻസെന്റിനോടും നിർബന്ധമായി രാജി വെക്കാൻ നിർദേശവും നൽകി. ഇരുവരുടെയും രാജി അംഗീകരിച്ചതിന് പിന്നാലെയാണ് വികെ ശ്രീകണ്ഠന് താത്കാലിക അധ്യക്ഷ ചുമതല നൽകിയത്. ജോസ് വള്ളൂരും എംപി വിൻസെന്റും രാജി വെച്ച് ബലിയാടുകൾ ആയപ്പോൾ ഗുരുതര ആരോപണങ്ങൾ ഉയർന്ന ടിഎൻ പ്രതാപനും അനിൽ അക്കരയും ഇടയിൽ രക്ഷപ്പെട്ടുവെന്നാണ് വിമർശനം. കോൺഗ്രസിനെ തകർത്തത് ഇരുവരുമാണെന്ന് പ്രവർത്തകർ തുറന്നടിക്കുന്നു. ശ്രീകണ്ഠൻ ചുമതലയേറ്റതിനു ശേഷം യോഗത്തിലും പിന്നീട് മാധ്യമങ്ങളെ കാണുമ്പോഴും ആരോപണ വിധേയരെ അടുത്ത് ചേർത്ത് ഇരുത്തിയത് മുരളീധര വിഭാഗം നേതാക്കളെയും പ്രവർത്തകരെയും പ്രകോപിപ്പിച്ചിരുന്നു. ഇപ്പോഴത്തെ പോസ്റ്ററിന് പിന്നിലും ഇത് തന്നെയാണ് കാരണമെന്നാണ് സൂചന.
FlashNews:
ജൂലൈ 6 വരെ ഭൂമി തരം മാറ്റവുമായി ബന്ധപ്പെട്ട അന്വേഷണ കൗണ്ടർ ഉണ്ടായിരിക്കില്ല
ഭരണകൂടം ഹിന്ദുക്കളെ തെറ്റായ കാര്യങ്ങൾ പറഞ്ഞ് കബളിപ്പിക്കുന്നു
ഭര്ത്താവിന്റെ മോചനത്തിനായി 6 വര്ഷമായി പോരാടുന്നു.
മാധ്യമങ്ങളുടെ പോക്കില് ജാഗ്രത പാലിക്കേണ്ടത് ജനങ്ങള്
വിദ്വേഷം പ്രചരിപ്പിക്കാന് സിനി മയെ ഉപയോഗിക്കരുത്
സപ്ലൈകോ മാവേലി സൂപ്പര് സ്റ്റോറുകളുടെ ഉദ്ഘാടനം
പിന്നാക്ക, ന്യൂനപക്ഷ വിഭാഗങ്ങള്ക്ക് സ്വയം തൊഴില് വായ്പ
മഞ്ചേരിയിൽ ശുചീകരണ ബോധവത്ക്കരണത്തിനായി മിനി മാരത്തൺ സംഘടിപ്പിച്ചു.
സാന്ത്വന പരിചരണത്തില് മാതൃകയായി എറണാകുളം ജനറല് ആശുപത്രി.
കീരനല്ലൂർ ന്യൂ കട്ടിൽ, ഒഴുക്കിൽ പെട്ട വിദ്യാർഥികളെ രക്ഷപ്പെടുത്തി
സ്പോര്ട്സ് ക്വാട്ട അഡ്മിഷന്
ക്യാഷ് അവാര്ഡിന് അപേക്ഷിക്കാം
പദ്ധതി പൂർത്തീകരണം ജനപ്രതിനിധികളുടെ സഹകരണത്തോടെ വേഗത്തിലാക്കണം
ഐ.ടി.ഐ പ്രവേശനം: അപേക്ഷാ തീയതി നീട്ടി
ദേശീയ സ്റ്റാറ്റിസ്റ്റിക്സ് ദിനാചരണം: ബോച്ചെയ്ക്കൊപ്പം ഓടി ജില്ലാ കളക്ടറും
കൊടുങ്ങല്ലൂര്- ഷൊര്ണൂര് റോഡ്:അറ്റകുറ്റപ്പണികള് പൂര്ത്തിയാക്കി ഉടന് നിര്മാണം ആരംഭിക്കും
സ്കൂളുകളിലെ ഭക്ഷ്യ വിഷബാധ:സ്കൂളുകളില് സംയുക്ത പരിശോധന പരിശോധന നടത്തും
കാലിക്കറ്റ് സർവകലാശാല സിൻ ഡിക്കേറ്റ് തെരഞ്ഞെടുപ്പ്
താനൂര് മണ്ഡലത്തിലെ വിവിധ പദ്ധതികള്: ഭൂമിയേറ്റെടുക്കല് നടപടികള് ത്വരിതപ്പെടുത്തും
![image_downloader_1718688734698.jpg തൃശൂർ തോൽവി: പ്രതാപനെതിരെ നീക്കം](https://meddlingmedia.com/wp-content/uploads/2024/06/image_downloader_1718688734698.jpg.png)
Leave a Reply