Author: Staff Correspondent (Jyobish V)

കോടതി:പരപ്പനങ്ങാടി നഗരസഭ വാർഷിക പദ്ധതിയിൽ ഉൾപ്പെടുത്തി നിർമ്മിച്ച കോടതി പനയത്തിൽകാട് റോഡിന്റെ ഉദ്ഘാടനം നഗരസഭ ചെയർമാൻപി പി ഷാഹുൽ ഹമീദ് നിർവഹിച്ചു.കൗൺസിലർ ഖദീജത്തുൽ മാരിയ അധ്യക്ഷത വഹിച്ചു ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ ഖൈറുന്നിസ താഹിർ, കൗൺസിലർ ബേബി അച്യുതൻ, മുൻ കൗൺസിലർ ഉസ്മാൻ പുത്തരിക്കൽ എന്നിവർ സംസാരിച്ചു.

ഊർങ്ങാട്ടിരി : കിണറടപ്പൻ പുളിക്കിയിൽ വീട്ടിൽ എം.എസ്. ഗോപാലൻ (80) അന്തരിച്ചു.. ഭാര്യ: അമ്മിണി.മക്കൾ : സുരേഷ് (പൊതുമരാമത്ത് വകുപ്പ് എൻഎച്ച് സബ് ഡിവിഷൻ പാലക്കാട്) സുധ ( ക്വാളിറ്റി കൺട്രോളർ, സൂപ്പർനോവ). മരുമക്കൾ : ഉണ്ണി, അജിന

മണ്ണാര്‍ക്കാട്: പാലക്കാട് – കോഴിക്കോട് ദേശീയപാതയില്‍ അരിയൂര്‍ പിലാപ്പടിയില്‍ വാഹനാപകടം. പിക്കപ്പ് വാനും കാറും തമ്മിലാണ് കൂട്ടിയിടിച്ചത്. ഇതിനിടെ മറ്റൊരു കാറിലും സ്‌കൂട്ടറിലും തട്ടിയതായും പറയുന്നു. ഇന്നലെ വൈകിട്ട് അഞ്ച് മണിയോടെ യായിരുന്നു സംഭവം. പരിക്കേറ്റ പിക്കപ്പ് ഡ്രൈവറെ വട്ടമ്പലം മദര്‍കെയര്‍ ആശുപത്രിയില്‍ ചികിത്സതേടി. പരിക്ക് ഗുരുതരമല്ല.കാര്‍ മണ്ണാര്‍ക്കാട് ഭാഗത്ത് നിന്നും പെരിന്തല്‍മണ്ണ ഭാഗത്തേക്കും പിക്കപ്പ് വാന്‍ എതിര്‍ ദിശയിലും സഞ്ചരിക്കുകയായിരുന്നു.അപകടത്തില്‍ വാഹനങ്ങള്‍ക്ക് കേടുപാടുകള്‍ സം ഭവിച്ചു. ദേശീയപാതയില്‍ ഏറെ നേരം ഗതാഗതവും തടസപ്പെട്ടു. വിവരമറിയിച്ച പ്രകാരം...

മലപ്പുറം: കഴിഞ്ഞ ശനിയാഴ്ച ജിദ്ദയിൽ ഹൃദയാഘാതത്തെ തുടർന്ന് മരണപ്പെട്ട കുനിയിൽ സ്വദേശിയായ ശിവപ്രസാദിന്റെ മൃതദേഹം വെള്ളി രാവിലെ 9.30 ന് ഇൻഡിഗോ വിമാനത്തിൽ നാട്ടിലെത്തും. തുടർന്ന് 11.30 ന് കുനിയിലെ തറവാട് വീട്ടിൽ എത്തിയ ശേഷം ഉച്ചക്ക് 1.30 ന് പുളിയംപറമ്പിലെ പഞ്ചായത്ത് ശ്മശാനത്തിൽ സംസ്കരിക്കും. മൃതദേഹം നാട്ടിലെത്തിക്കുന്നതിന് വേണ്ടി ജിദ്ദ കെഎംസിസിയുടെ വെൽഫെയർ വിംഗ് ചെയർമാൻ മുഹമ്മദ് കുട്ടി പാണ്ടിക്കാട്, കൺവീനർ സെയ്തലവി പുളിയങ്കോട്,ജിദ്ദ കെ.എം.സി.സി കീഴുപറമ്പ്പഞ്ചായത്ത് കമ്മറ്റിയുടെ ഭാരവാഹികളായ ഫസലു റഹ്മാൻ, അലി പത്തനാപുരം...

അരീക്കോട്:അരീക്കോട് മൈത്ര കടവിൽ നടക്കുന്ന ഏഴാമത് ഏറനാട്ജലോത്സവത്തിന് ജനുവരി12ന് പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം നിർവഹിക്കുമെന്ന് അരീക്കോട് നടത്തിയവാർത്ത സമ്മേളനത്തിൽ ജലോത്സവ കമ്മിറ്റി ഭാരവാഹികൾ പറഞ്ഞു.അരീക്കോട് ബ്ലോക്ക് പഞ്ചായത്തിന്റെ സഹകരണത്തോടെ മൈത്ര വൈറ്റ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിൻറെ നേതൃത്വത്തിലാണ് ജലോത്സവം സംഘടിപ്പിക്കുന്നത്.1996ലാണ് സീതി ഹാജി മെമ്മോറിയൽ ഏറനാട് ജലോത്സവത്തിന് തുടക്കം കുറിക്കുന്നത്.തുടർന്ന് മികച്ച രീതിയിൽ മുന്നോട്ടുപോയ ജലോത്സവം പിന്നീട് മൈത്ര പാലം നിർമാണവുമായി ബന്ധപ്പെട്ട് താൽക്കാലികമായി നിർത്തിവെച്ചിരുന്നു’.നീണ്ട 18 വർഷത്തെ...

കാലടി :കേരള സർക്കാർ സംഘടിപ്പിക്കുന്ന അന്താരാഷ്ട്ര ഉന്നതവിദ്യാഭ്യാസ കോൺക്ലേവിന് മുന്നോടിയായി ശ്രീശങ്കരാചാര്യ സംസ്കൃത സർവ്വകലാശാല സംഘടിപ്പിക്കുന്ന പ്രീ-കോൺക്ലേവ് ജനുവരി 10ന് കാലടി മുഖ്യക്യാമ്പസിൽ നടക്കുമെന്ന് സർവ്വകലാശാല അറിയിച്ചു. ലാംഗ്വേജ് ബ്ലോക്കിലുള്ള സെമിനാർ ഹാളിൽ രാവിലെ 10ന് ആരംഭിക്കുന്ന സിമ്പോസിയവും ഉന്നതവിദ്യാഭ്യാസ എക്സിബിഷനും വൈസ് ചാൻസലർ ഡോ. കെ.കെ. ഗീതാകുമാരി ഉദ്ഘാടനം ചെയ്യും. ‘ഉന്നതവിദ്യാഭ്യാസവും വിജ്ഞാന സമൂഹവും : ഭാഷ-മാനവിക-സാമൂഹികശാസ്ത്ര വിവക്ഷകൾ’ എന്നതാണ് സിമ്പോസിയത്തിന്റെ വിഷയം. ഡോ. യമുന കെ., സിമ്പോസിയത്തിൽ അധ്യക്ഷയായിരിക്കും. ഡോ. എ.കെ. രാമകൃഷ്ണൻ, ഡോ....