എസ്ഡിപിഐ ആറാമത് ദേശീയ പ്രതിനിധി സഭ ജനുവരി 20, 21 തീയതികളിൽ മംഗലാപുരത്ത് വെച്ച് നടക്കുമെന്ന് സംസ്ഥാന വൈസ് പ്രസിഡൻ്റും ദേശീയ പ്രവർത്തക സമിതി അംഗവുമായ പി അബ്ദുൽ ഹമീദ് വാർത്താസമ്മേളനത്തിൽ അറിയിച്ചു.
പാർട്ടിയുടെ ഏറ്റവും ഉയർന്ന സമിതിയാണിത്.
രണ്ടു ദിവസം നീണ്ടുനിൽക്കുന്ന സമ്മേളനത്തിൽ രാജ്യത്തിന്റെ വിവിധ ഭാഗങ്ങളിൽ നിന്നുള്ള പ്രതിനിധികൾ പങ്കെടുക്കും. അടുത്ത ടേമിലേക്ക് പാർട്ടിയെ നയിക്കേണ്ട പുതിയ ദേശീയ ഭാരവാഹികളെയും വർക്കിംഗ് കമ്മിറ്റിയെയും ഈ യോഗത്തിൽ വെച്ച് തിരഞ്ഞെടുക്കും.
കഴിഞ്ഞ കാലയളവിലെ പ്രവർത്തന റിപ്പോർട്ട് അവതരിപ്പിക്കുകയും രാജ്യത്തെ നിലവിലെ രാഷ്ട്രീയ സാഹചര്യങ്ങളെക്കുറിച്ച് വിശദമായ ചർച്ചകൾ നടത്തുകയും ചെയ്യും. വരും വർഷങ്ങളിൽ പാർട്ടിയുടെ രാഷ്ട്രീയ നീക്കങ്ങൾ സംബന്ധിച്ച പ്ലാനിംഗ് ഈ സമ്മേളനത്തിൽ ഉണ്ടാകും.
സോഷ്യൽ ജസ്റ്റിസ്, ജനാധിപത്യ മൂല്യങ്ങൾ എന്നിവയിൽ ഊന്നിയുള്ള പാർട്ടിയുടെ പ്രവർത്തനങ്ങൾ കൂടുതൽ കരുത്തുറ്റതാക്കാൻ ഈ സമ്മേളനം സഹായിക്കുമെന്ന് നേതാക്കൾ പറഞ്ഞു.
വാർത്താ സമ്മേളനത്തിൽ പങ്കെടുത്തത്: എൻ കെ റഷീദ് ഉമരി ( സംസ്ഥാന ട്രഷറർ).
Leave a Reply