തിരൂർ :ആശ്രയ സൊസൈറ്റി തിരൂരിന്റെ കീഴില് മക്കളോ ബന്ധുക്കളോ, നോക്കി സംരക്ഷിക്കുവാനാരുമില്ലാത്ത അശരണരും അഗതികളുമായ രോഗികളെ നാല് വര്ഷമായി സംരക്ഷിച്ച് കൊണ്ടിരിക്കുന്നു. വാടകകെട്ടിടത്തില് പ്രവര്ത്തിച്ചു കൊണ്ടിരിക്കുന്ന ഈ സ്ഥാപനത്തിന് സ്വന്തമായ കെട്ടിടത്തിനുള്ള നിര്മ്മാണ പ്രവര്ത്തനങ്ങള് ധൃതഗതിയില് നടന്നു കൊണ്ടിരിക്കുകയാണ്. ഈ കെട്ടിട നിര്മ്മാണത്തിനാവശ്യമായ സ്ഥലം, ജീവകാരുണ്യ പ്രവര്ത്തനങ്ങളിലും സാമൂഹിസേവന രംഗത്തും സജീവമായി പ്രവര്ത്തിക്കുന്ന പാരമൗണ്ട് ഷംസുദ്ദീന് അവര്കളാണ് നല്കിയത്.
കെട്ടിട നിര്മ്മാണ പ്രവര്ത്തനങ്ങള് വിലയിരുത്തുവാന് അദ്ദേഹത്തിന്റെ നേതൃത്വത്തില് വിദഗ്ധ സമിതി സ്ഥലം സന്ദര്ശിക്കുകയും ഫൗണ്ടേഷന് വര്ക്കുകള്ക്ക് തുടക്കം കുറിക്കുകയും ചെയ്തു.
ഈ നിര്മ്മാണ പ്രവര്ത്തനങ്ങള് സമയബന്ധിതമായി പൂര്ത്തിയാക്കുന്നതിന് എല്ലാ സുമനസ്സുകളുടെയും സഹായ സഹകരണങ്ങള് ഉണ്ടാവണമെന്ന് സൊസൈറ്റി ഭാരവാഹികള് അഭ്യര്ത്ഥിച്ചു.
Leave a Reply